Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
 Willem VIII van Hessen Kassel
Willem VIII van Hessen Kassel. Gouverneur 1723-1747.
Frederik II van Hessen Kassel ziene zoon 1720-1785.
Willem VIII van Hessen-Kassel (Cassel) is gebore op 10 Miert 1682, en gestorreve op 31 Jannewarie 1760. Zien awwers waore, Karel Landgraaf van Hessen Kassel en Maria Amalia Hertogin van Koerland (1653-1711). Oet de ech vaan Karel en Maria woorte veertien kinder  gebore; 1.Wilhelm van Hessen-Kassel gebore in 1674, en gestorreve in 1676. 2.Karel van Hessen-Kassel, gebore in 1675 en gestorreve in 1677. 3.Frederik van Hessen-Kassel,(van Zweden) gebore op 17  Aprèl 1676 in Kassel, en gestorreve op 25 Miert 1751 in Stockholm. Heer waor de derde zoon, en waor getrouwd mèt Ulrike Elenora van Zweden.(1688-1741) zuster vaan de Keuning vaan Zweden, Karel XII. 4.Christian  van Hessen-Kassel, gebore in 1677, en is gestorreve in 1677. 5.Sophie Charlotte  van Hessen-Kassel, gebore in 1678, en is gestorreve in 1749. 6.Karel  van Hessen-Kassel, gebore in 1680, en gestorreve in 1702. 7.Willem VIII van Hessen-Kassel, is gebore op 10 Miert 1682, en is gestorreve op 31 Jannewarie 1760. 8.Leopold  van Hessen-Kassel, gebore in 1684 en is gestorreve in 1704. 9.Lodewijk  van Hessen-Kassel, gebore in 1686 en is gestorreve in 1706. 10.Maria Louise  van Hessen-Kassel, gebore in 1688 en is gestorreve in 1765. Zie waor getrouwd mèt Johan Willem Friso van Nassau-Dietz.(1687-1711) 11.Maximiliaan  van Hessen-Kassel, gebore in 1689, en is gestorreve in 1753. 12.George  van Hessen-Kassel, gebore in 1691 en is gestorreve in 1755. 13.Elenore  van Hessen-Kassel, gebore in 1694, en is gestorreve in 1694. 14.Wilhelmine Charlotte  van Hessen-Kassel, gebore in 1695 en is gestorreve in 1722.
Ziene Pa Karel Landgraaf van Hessen Kassel 1653-1711.

Federik van Hessen Kassel

broor vaan Willem VIII

Keuning van Zweden

1676-1751.

Zien zuster Maria Louise van Hessen Kassel 1688-1765.
Willem VIII van Hessen- Kassel. 1682-1760.
Willem VIII van Hessen-Kassel trouwde in 1717 mèt Dorothea Wilhelmina van Saksen-Zeitz, dochter vaan Hertog Marits Willem van Saksen-Zeitz (1664-1718), en Maria Amalia van Brandenburg (1670-1739) Dorothea Wilhelmina van Saksen-Zeitz is gebore in 1691 en gestorreve in 1743. Oet de ech woorte drei kinder gebore; 1.Karel van Hessen-Kassel gebore in 1718 en is gestorreve in 1719. 2.Frederik van Hesse-Kassel is gebore op 14 Augustus 1720 en  is gestorreve op 31 Oktober 1785. 3.Maria Amalia van Hessen-Kassel., gebore in 1721, en is gestorreve in 1744. Kassel (tot 1926 sjreef me Cassel) is 'n stad in Duitsland, gelege in de deilstaot Hessen aon de Fulda. Willen VIII van Hessen-Kassel waor de derde nog levende zoon vaan Landgraaf Karel van Hessen-Kassel en Maria Anna van Koerland. Naotot zien ajdste broor Frederik in 1720 keuning vaan Zwede waor gewore, en 'n aandere broor al op jonge leeftied waor gestorreve,en ziene pa in 1730 storf, regeerde Willem VII euver Hessen Kassel in naom vaan zien ajdste broor. Naotot Frederik in 1751 waor gestorreve, woort Willen VIII van Hessen-Kassel  Landgraaf van Hessen-Kassel. Willem VIII van Hessen-Kassel góng al op jonge leeftied in deens vaan De Republiek der Verenigde Nederlanden. Oonder de Spaanse Successieoorlog voch heer mèt aon de belegering vaan Bonn in 1702, in 1704 bij de Slag vaan Höchstadt, en bij 't belèk vaan Luik in 1705. In 1708 voch heer mèt bij de Slag van Oudenaarde. De Slag bij Malplaquet op 11 September 1709 woort gevochte op de grens vaan de Zuidelijke Nederlanden en Fraankriek, en waor bezunder bleudeg, mèt väöl gesneuvelde soldaote. Aon de kant vaan de Groete Alliantie hadde de hertog vaan Marlborough, Prins Eugenius en Willem VIII van Hessen-Kassel de leiding. Bij de Franse en hun bondgenoten had Maarschalk Villars en Boufflers de leiding. 't Nederlandse leger verloor väöl soldaote, en meinde de Slag te höbbe gewonne, meh kraog evels daonao noets hielemaol mie de mach euver 't gebeed. In 1713 woort Willem VIII van Hessen-Kassel benump tot Milletaer Gouverneur vaan Breda.
Tien jaor later in 1723 woort Willem VIII van Hessen-Kassel  Gouverneur vaan Mestreech en had heer Hobbe Esaias van Aylva  benump es ziene  Commedant, ouch umtot heer neet dèks in Mestreech waor. Hobbe Esaias van Aylva  waor bevelhöbber euver de Garnizoens-tróppe in Mestreech, tijdens de Oosterijkse Successieoorlog (1740-1748). Mestreech waor toen e belaankriek steunpunt veur de tróppe die vochte oonder leiding vaan de Britse Hertog van Cumberland, tege de Franse. Op 31 Mei 1723 lag  Willem VIII van Hessen-Kassel plechtig de eed aof, en op 5 Jannewarie 1724 heel me 'ne plechtige intoch veur de nuie Gouverneur vaan Mestreech. In 1727 woort heer benump tot Generaol vaan de Hollandse Cavalerie. In 1736 kaom heer in 't bezit vaan 't Graafschap Hanau-Müntzenberg, en kraog heer 't Stadshouderschap vaan Kassel. Aon 't eind vaan zien regeerperiood braok de Zevenjarige Oorlog oet (1756-763), boebij Hessen-Kassen 'ne belaankriek gebeed waor, en daodoor dèks door Fraankriek woort veroverd. Ziene zoon Frederik II van Hessen-Kassel (1720-1785) veroerzaakde nog e groet sjendaol, door euver te goon nao de Katholieke kèrk. Daodoor woorte in 1754 'nen aontal beperkinge aon de Rooms-Katholieke iere-deenste opgelag, en woort 't Graafschap Hanau oonder 't gezag vaan Willen IX geplaots. Op 24 Augustus vroog Willem VIII van Hessen-Kassel es Gouverneur ziene congé aon de Staten Generaal, en woort verliend op 31 Augutus 1747. Willem VIII van Hessen-Kassel waor Gouverneur vaan Mestreech vaan 1723 tot 1747 en woort toen opgevolg door Ulrich van Löwendal.

Hobbe Esaias van

Aylva

1696-1772.

De Slag bij Malplaquet 1709.