Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Mestreechs Volleks Tejater
  In al die oetveuringe had Huub Noten de regie. 't Mestreechs Volleks Tejater veurde in 1991 en 1992 twie Kerremisspeule  op vaan Bèr Hollewijn, naomelek Höllep en in 1992 Rue de la Stock. Bèr Hollewijn (1907-1978) riechde in 1942 de Kemedie speulers op er waor artestiek leier vaan 't Tejatergezelsjap. Heer sjreef in deen tied 54 toneelstökke, operette's en musikals veur 't gezelsjap vaan de Kemediespeulers.'t Mieste sukses had heer mèt  Iech zeen miene geis  kroepe in 1948, Veer zien  Baronne in 1953 en  Veer zien neet bang in 1959. Vaan d'n opbrings vaan die stókke  Höllep en  Rue de La Stock leet 't Mestreechs Volleks Tejater veur Bèr Hollewijn e standbeeld maake, naomelek Pieke oet de Stokstraot, dat  geplaots woort in de Stockstraot. De Royal Sphinx Revue woort in December 1987 en in Jannewari 1988 leefs 26 kier opgeveurd en waor netuurlek  'n groet succes. In 1993 woort 't stök De Kaptein vaan Köpenick veur de twiede kier door 't Volleks Tejater gespäöld  en wel mèt  350 mètwerkers en me had ouch nog e ech peerd op de buun . "t Mestreechs Volleks Tejater späölde in 2000 de  Millenium-musical Petatte Polka achtien kier  veur volle zaole en in 2002  Lommele Lies en ouch dat stök waor weer 'n groet sukses umtot leefs negentien kier de zaol oetverkoch waor.'t Waor 't langs laopende stök vaan 't Mestreechs Volleks Tejater. Slókspek waor in 2006 e Keersmusical dat in de Ingelse tejaters twèlf jaor laank e groet sukses waor. Huub Noten naom in 2006 aofsjeid es artestiek leier, meh heer kós 't tejater neet misse. Heer sjreef 't aofgelaope jaor nog de tekste vaan Trosse Los ! Humme oet. Huub Noten bewerkde gere de stöke vaan Fonds Olterdissen en Bèr Hollewijn. Huub Noten is op 68 jaorege leeftied gestorreve en ziene zoon Peter heet noe de regie vaan 't Volleks Tejater vaan ziene Pa euvergenome.
Huub waor ei baar tejater.  Heer späölde al kemedie wie heer nog in de weeg laog.  Ziel en zaoligheid waore veur altied verboonde aon d'n tejater. Op de buun of thoes, Huub prakkezeerde ál oet en rezjiseerde 't speul mèt strakke hand en aaf en touw 'ne vlook.  Eder veurstèlling moos perceis zoe zien wie heer 't ziech veurstèlde. Mèt väöl leefde bleef heer aon zie stökke wèrke, verandere, sjaove en vijle.'t Kós altied beter, sjoener, en geistiger. Huub waor alle ze leve aon 't sjrieve of prakkezere. D'n einen inval nao d'n aandre voonds sjöddelde heer mèt ougensjienlek gemaak oet ziene mouw. Meh jeh in zien jong jaore is heer daan ouch goocheleer gewees. Zelfs wie heer kraank woort, bleef Huub nog altied de rezjisseur.Tot 't lèste memint aon touw heet heer aonwijzinge gegeve. Wie heer 't wou, zóé moos 't gebäöre.'t Zal daan ouch niemes verwundere tot Huub ouch zien eige deens inein gezat heet. Huub waor 'ne meistervertèller dee niks sjoener voont es lui te ammesere: "Es ze mer demèt kinne lachte." Zien verhaole vertèlde Huub in artikele in de gezèt, in kemediestökke in d'n tejater of gewoen thoes in ziene zedeleer aon femilie en vrun.Verhaole die aaf en touw veur te kriete, meh dèks veur te lachte waore.Wat dat betröf had Huub väöl weg vaan zien groet exempel Fons Olterdissen. Huub heet dèks genóg de wins oetgesproke tot heer gere neve Fons Olterdisse begraove zou wèlle weure." Want," zoe zag heer daan, " veer höbbe us nog zoeväöl te vertèlle". Ei dink is zeker: Es die twie ziech bijein zètte, daan ligk de zaak daobove op 'ne knab vaan 't lache.  Meh wie Huub altied zag: " Lache is 't sjoenste wat 't gief ! "
Huub Noten
't Mestreechs Volleks Tejater woort in 1982 opgeriech door Huub Noten, dee tot 2006 ouch artistiek leier waor. 't Volleks Tejater veurt klöchte, kemike opera's en musicals in 't Mestreechs op. 't Ierste stök dat Huub Noten heet gesjreve en  geregiseerd waor de kluch "Medam de Ginneraol”  en woort gespäöld in de Sphinxzaol en in 't Gymnasion aon de Paotersbaon.  't  Twiede stök dat 't Volleks Tejater opveurde waor in 1982,  "De Kaptein vaan Köppenick" mèt soliste wie Truus  Willems, Jo Setton, en Marie Louise Mintjes. De hoofrol späölde Raymond Willems es Kaptein vaan Köpenick. Daonao volgde de kluchte wie "Boe is 't Kinneke Daan " en  Zwijnderij. De groetste suksesse woorte in de jaren ‘90 gebook mèt de musicals,  Iech en die vaan Miech, Petatte Polka,  Lomele Lies en Slókspek. Veer goon noe eve trök in de tied wie de ierste  stökke in 't Mestreechs woorte opgeveurd en boe Huub 'ne groete stempel op heet gedrök. In 1949 riechde me 't mannekoer vaan De Maasvogels op, umtot de Keuninklike  Pepier  Febrik in 1950  hoonderd jaor  bestóng en zie dat fies mèt zaank en klaank  zouwe goon opluustere. Me deeg in die jaore 'nen aontal oetveuringe,  begeleid  door de Klomele Kapel, meh me doog dat allein veur 't personeel vaan de KNP.  Meh in 't jaor 1957 kaom dao verandering in en me trooi ouch veur 't Mestreechs pebliek nao boete op,  mèt stökke die in 't Mestreechs vertaold en gespäöld woorte. In 1975 woort de naom vaan De Maasvogels  veranderd in die vaan de Mestreechter Operètte Vereiniging. In 1966, 1977 en 1988 voerde die zangvereniging de komische Opera Trijn de Begijn van Guus en Fonds Olterdissen op. In 1969 woort  De Kapitein vaan Köpenick in de Dominikaner- kèrk opgevoerd, eveneins vaan de gebreurs Olterdissen. Zoewie in 1973 es wie in 1990 woort 't stök vaan Julius Ceasar opgeveurd. In 1975 woort 't stök vaan De Keizer vaan St.Pieter opgeveurd en drei jaor later in 1978 Mien Fien Mamzelke . In 1979 volgde 't stök vaan Isengrim en in 1980 woort  de  Treechter Geis opgeveurd , 'n bewerking vaan de  operette   Frau Luna. 
De Kaptein vaan Köpenick 1968.
Iech en dee vaan Miech  Twajn & Jeanneke
Puun m’ch prij. Mestreechs Vollekstejater 2014
Kaptein vaan Köpenick Programbook 1985
Fonds Olterdissen
Trijn de Begijn Programbook
Huub Noten
Puun m’ch Preij 2014.
Es of d’n Duvel demèt Späölt. 2016.
Trosse los, hume oet ! 2008.
Mie fien Mamzèlke. 2013.
Huub Noten 1940-2009.
Huub Noten & Peter Noten.