Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Andries Jan Jacob des Tombe
Andries Jan Jacob des Tombe Gouverneur  1841-1845.
Andries Jan Jacob baron des Tombe, is gebore op 6 September 1778 in Sint-Michielsgestel, en gestorreve op 18 Fibberwarie 1845 in Mestreech. Zien awwers waore Johan des Tombe, gebore in 1730 en gestorreve in 1804, en trouwde in 1781 mèt Henriëtte Anna de Bons, gebore in 1755 en gestorreve in 1799. Johan waor ieder getrouwd mèt Wandelina Borgesius (1715-1781). Oet de ech vaan Johan en Henriëtte woorte veer kinder gebore; 1.Hester Catharina Henriëtte des Tombe , gebore in 1782, en gestorreve in 1849. 2.Andries Johan Jacob des Tombe, gebore op 6 September 1778 in Sint-Michielsgestel, en gestorreve op 18 Fibberwarie 1845 in Mestreech. 3.Daniël Gerard des Tombe gebore in 1787 en gestorreve in 1827. 4.Francois Jan Jacob des Tombe, gebore in 1793 en gestorreve in 1824. Heer waor getrouwd mèt Eva Maria Adriana de Jonge van Zwijnsbergen. Andries Jan Jacob baron des Tombe waor 'n Nederlandse Luitenant-Generaal, opperbevelhöbber vaan de Vesting Mestreech. Heer waor Milletaer Gouverneur vaan Mestreech vaan 1841 tot 1845. Andries Jan Jacob baron des Tombe trouwde in 1818 met Pérette Cécile de Lange van Wijngaarden, gebore in Den Haag op 9 Augustus 1798, en gestorreve op 16 Juli 1854.Oet de ech vaan Jan Jacob en Pérette Cécille woorte vijf dochters gebore,boedoor dees tak vaan des Tombes in 1897 oetstorf. 1.Joonkvrouw Henriette Cornelia des Tombes, gebore op 21 November 1819 in Utrecht, en is gestorreve op 24 Juni 1838 in Helvoirt. 2.Joonkvrouw Hester Catharina Henriette Cecile des Tombe, gebore op 5 Aprèl 1821 in Utrecht en is gestorreve op 12 December 1892 in Den Haag.  Zie waor getrouwd mèt Willem Jan graaf van der Goltz. 3.Joonkvrouw Louise Elisabeth des Tombe, gebore op 1 November 1822 in Vleuten, en is gestorreve op 17 Juli 1890 in Bloemendaal. Zie waor getrouwd mèt Joonkhier Karel Wendelin de Kock. 4.Joonkvrouw Cornelia Maria des Tombe, gebore op 14 September 1824 in Vleuten, en is gestorreve op 17 December 1873 in Den Haag. Zie waor getrouwd mèt Joonkhier Guillaume Jean Gerard Klerck. 5.Antoinette Catharine Cornélie des Tombe, gebore op 17 Juli 1826 in Antwerpen, en is gestorreve op 3 Fibberwarie 1897 in Den Haag. Zie waor getrouwd mèt Hr.Frederik Lodewijk Willem baron de Kock.
Andries Jan Jacob baron des Tombe waor 'ne Nederlands Luitenant-generaal, Opperbevelhöbber vaan de Vestiging Mestreech. Heer waor Gouverneur vaan Mestreech vaan 1841 tot 1845. Andries Jan Jacob baron des Tombe góng in Januari 1803 in deens es Cadet bij 't Regimint Saxen-Gotha, en woort in dat zelfde jaor benump tot Tweede Luitenant, en naom in dees rang mèt aon de Duitse veldtochte in de jaore 1805, 1806, en 1808. Nao de inlijving vaan Holland in 't Franse Keizerriek, maakde heer es Kaptein der Oude Garde, en daonao es Bataljons-Chef, en later es Adjudant vaan Generaol Graaf Rouguet, de Veldtochte vaan Spanje vaan 1809, 1810, en 1811 mèt. Es Adjudant naom heer ouch deil aon de Russische, Duitse en Franse veldtochte vaan 1812, 1813 en 1814. Andries Jan Jacob baron des Tombe kaom in November 1814 in Nederland weer trök es Baron vaan 't Keizerriek en Offeceer vaan 't Legioen van Eer, mèt de rang vaan Luitenant-Kolonel, boein heer ouch de Veldtoch vaan 1815 mèt maakde. Andries Jan Jacob baron des Tombe woort in 1825 tot Kolonel bevorderd, en in 1830 tot Generaal-Majoor benump. Elf jaor later in 1841 woort heer bevorderd tot Luitenant- Generaal. Keuning Willem I had häöm benump tot Ridder in de Orde van de Nederlandse Leeuw, en in de Milletaere Willemsorde der derde Klassse. Keuning Willem II benumde häöm tot Commandeur in de Orde van de Nederlandse Leeuw. Later woort heer Opperbevelhöbber vaan de Vestiging Mestreech en vaan de tróppe in 't Hertogdom Luxemburg, en commandeerde dao de Eerste Divisie Infanterie. Ginneraol des Tobe woende in 't Ginneraols hoes gelege oppe Vriethof. In 1803 koch de riek gewore handeleer in tabak en meekrap, Petrus Franciscus de Ceuleneer 't kloester aon 't Vriethof, um 't te slope en op 't terrein 'n Ginneraolshoes te bouwe. De Ceuleneer gaof opdrach aon arsjitek Francois Hermans um dao e groet Stads-Pelies te bouwe, in Neoclassicistische stijl. In 1825 koch Gouverneur Dibbets 't hoes vaan De Ceuleneer veur 35.640 gölde. Vaanaof deen tied numde me 't gebouw daan ouch Ginneraolshoes. Nao Dibbets höbbe nog 'nen aontal notabele d'r in gewoend, wie Milletaer Gouverneur van der Capellen, en Gouverneur Des Tombe.  Andries Jan Jacob baron des Tombe is gestorreve op 18 Fibberwarie 1845, en woort mèt Milletaere ier begraove in de Vestingwerke, Nieuwe Bossche Fronten. Des Tombe waor geleef bij de Mestreechtenere, wat me vaan Dibbets neet kós zègke. 't Volk vaan Mestreech leep in 'ne groete stoet achter de liekberie, vaan de in de Volksmoond genumde Ginneraol “De Stoomp “. Des Tombe leep gèt maank, umtot heer gewond waor gewees in 'ne veldslaag. Zien peerd hadde ze veur de begraffenis kreupel geslage. Dat waor 'n aajd gebruuk umtot Des Tombe gèt kreupel waor, en zien peerd móos daan dee  rol euvernumme tijdens zien lètste rit. In 1925 woort 't Graafmonumint vaan Andries Jan Jacob baron des Tombe verplaots nao 't Waldeck-park.
Eva Maria Adriana de Jonge van Zwijnsbergen 1794- ?
Francois Jan Jacob baron des Tombe 1793-1824.
Cornelis  Johan de Lange van Wijngaerde. Sjoenpa vaan.
Femilie Waope Des Tombe.
Graafmonumint vaan Andries Jan Jacob baron des Tombe
Andries Jan Jacob des Tombe.
Antoinette Catharine Cornélie des Tombe, 1826-1897. Dochter.
Herbegraffenis Andries Jan Jacob baron des Tombe. 1925.
Herbegraffenis. 1925.