Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Börgm.M.van Kessenich
Mr. Willem baron Michiels van Kessenich 1902 - 1992. Börgemeister 1937-1940 1945-1967
In 1959 weurt Nölke Slange es 90.000 ste inwoener vaan Mestreech gebore. In 1949 tot 1953 geit me euver tot 't sanere vaan 't Stokstraot-keteer en weure nui woeninge gebouwd in ‘t Witte Vrouweveld en de Ravelijn. In 1955 brand de midde-tore vaan de Sint Servaos aof en weurt neet mie opgebouwd. In dat zelfde jaor woort op de Greend 'ne Helihave geopend en zien d'r vluchte mèt 'ne helicopter nao Keule en Brussel. In 1967 woort de Heli-have weer geslote. In 1962 weurt e begin gemaak mèt de restauratie vaan 't Stokstraot keteer. En in 1963 weure op 't binneterein ( "Op de Thermen") aw Romeinse bad-hoezer gevoonde. Neet lang nao d'n twiede wereld-oorlog woort heer gepeild um Minnister vaan Binnelandse Zaken te weure, in 't kabinet vaan Willem Schermerhorn / Drees, meh aon 't begin vaan d'n oorlog waor heer betrokke gewees bij 't aongeve vaan 'n aontal gijzeleers aon de Duitse bezètter. Dee besjöldiging heet häöm altied achtervolg, oondaanks zien zuver optrejje oonder d'n oorlog. Michiels van Kessenich waor de lètste Nederlander dee den ' ier heet gehad um Geheim Kamerhier mèt Kap en Degen van Zijne Heiligheid (de Paus) te kinne zien. Dat waor 'nen ierefunctie, dee woort verliend aon 'ne katholieke leke vaan adellijke aofkoms. Michiels van Kessenich waor twie kier getrouwd. Op 30 December 1929 trouwde heer in Den Bosch mèt Joonkvrouw Emilie Louise Josephe Marie van Meeuwen. Zie waor gebore op op 11 Miert 1907 in Mestreech en is gestorreve op 5 Juni 1970. Op 17 Juli 1971 trouwde heer in Laonaoke mèt Madeleine Marie Blanche Charlotte Ghislaine Comtesse du Chastel de la Howarderie. Zie waor gebore op 2 Juli 1905 in Brussel en is gestorreve  op 9 December 1997. Oet 't ierste houwelek kraog heer hij twelf kinder, vijf zäöns en zeve dochters. Börgemeister Baron Miechiels van Kessenich woort in 1967 opgevolg door Börgemeister Fons Baeten.
Mr. Willem baron Michiels van Kessenich, heer van Kessenich en Hunsel (Langebrük) woort  gebore op 16 Oktober 1902 in Saksen, Duitsland en is gestorreve in De Bilt op 9 Jannewarie 1992. Michiels van Kessenich waor Börgemeister van ' t Limburgse Beek vaan 1933 tot 1937. Heer waor ' ne Nederlandse politicus en de langs zittende Börgemeister vaan Mestreech en wel vaan 1937 tot 1967. In de oorlogs jaore vaan 1940 tot 1945, naom heer aofstand vaan zien Börgemeister-sjap, en woort in Mestreech de N.S.B 'r Mr. Louis Ph. J. Peeters, börgemeister vaan 15-10-1941-1943. Nao d'n oorlog heet Michiels van Kessenich heer ziech bezunder ingezat veur de groete woening-noed in Mestreech, en um de nao-oorlogse sjaoj in de stad te herstèlle. Heer leet väöl woeninge en woen-wieke bouwe in Mestreech. Michiels waor 'ne flamboyante maan en joonk, 37 jaor, wie heer Börgemeister woort.'t Waor 'ne maan mèt niveau en vol mèt humor. Heer had 'ne caravan en góng altied mèt 't ganse gezin, vrouw en 14 kinder, in holland op vakantie. Door zien oetstraoling waor 't alsof heer gere e gleeske wien had gedroonke, meh heer waor vaan de blaowe knäöp, en droonk euveral boe heer kaom droevesap. Same mèt zien directeur openbare wèrke, Jaques de Vente, heet heer väöl gedoon um de stad weer snel op te bouwe, nao de sjao vaan de twiede wereld oorlog. D 'r woorte planne gemaak tot 't bouwe vaan nui wieke wie Caberg, Potteberg en Malpertuis.
Mr. Willem baron Michiels van Kessenich,
Roerbosch In 't jaor 1400 kaom 't gebeed zoewie 't kestiel vaan Roerbosch in bezit vaan de Hiere vaan Kuyk.Versjèllende bewoeners en bezitters höbbe in de jaore daonao gewisseld meh in 1920 koch Baron Joonkhier Meester Willem Michiels van Kessenich 't kestiel . In 1988 woort 't kestiel weer verkoch aon Frau Dielemans die 't leet restaurere en 'n Hotel / Restaurant daoin is begós
Prins Bernard land mèt zien vleegmesjien op de Sint Pietersberg en weurt door Michiels welkom geheite
Keunigin Wilhelmina en Willem Michiels van Kessenich (1945)
Femilie Kessenich. 1937.