Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Börgm.Leers
Gerardus Bernardus Maria (Gerd) Leers woort gebore in Kerkrade op 12 Juli 1951. Gerd Leers is zien polletieke carrière begós bij de PvdA vaan 1975 tot 1976. Daonao stapde heer euver nao 't CDA. Es kamerlid woort heer bekind um zien gooi kinnes vaan dossiers en in 't bezunder  op de kinnis vaan de NS. Ouch brach heer 't gefróddeer vaan de bouw aon 't leeg. Dat kin me es hoegtepunt vaan zien carrière es kamerlid zien. In 2002 woort heer gekoze tot Börgemeister vaan Mestreech, naotot Karl Dittrich, dee es ierste door de gemeinteraod waor geplaots, ziech trök trok. Vaanaof Jannewarie 2003 woort heer benump, es nevefunctie, veurzitter vaan 't Locov, 'nen organisatie veur 't verbetere vaan de deensverliening op 't spoor. Eind 2004 woort Gerd Leers gekoze tot bèste Börgemeister vaan Nederland. Es börgemeister kraog heer de reputatie vaan doortastend en effectief te wèrk goon, zoonder te väöl börgers tege ziech in 't harnas te jaoge. Heer besloot beveurbeeld veur de gemeinteleke subsidie aon us MVV 'ke te stoppe, wat häöm op väöl proteste kaom te stoon. Ouch sjikde heer nao jaore vaan gedoog beleid de pelitie op 't kamp vaan de Vinkeslaag aof, boe die versjèllende sjarzjes hele en loodse woorte aofgebroke umtot die vól mèt wiet plènsjes stónge. Meh de bewoeners vaan Vinkeslaag prottesteerde hei tege, door de A2 plat te lègke mèt aw oto's, fietse, oto-ben en aander rommel. In 2005 loejde heer de allermklok euver 't Nederlands gedoogbeid vaan de sofdrugs, umtot dat in Mestreech veur extreem väöl euverlas heet gezörg. Mèt al dees gebäörtenisse haolde heer 't nuits in Nederland op de radio en TV. Heer heet ziech ummertouw mèt kritiek oetgesproke euver de regering vaan Jan Peter Balkenende, dee evels premier vaan zien eige partij waor.
14-01-2010 Börgemeister Gerd Leers stapt  op !! 'ne Mierderheid in de gemeinteraod vaan Mestreech,aongevoerd door de coalitieparteie Pvda,en Groen Links (VVD) zag 't vertrouwe in Gerd Leers op. Zie voonte tot den' affaire roond 'ne vakantiewoening in Bulgarije imagosjaoj aon de stad Mestreech heet gebrach, en zègkde 't vertrouwe in de Börgemeister op.
Gerardus Bernardus Maria (Gerd) Leers Geb: 1951 Börgemeister  2002-2010
Gerardus Bernardus Maria (Gerd) Leers
Zoe voond heer d'n hajding vaan de regering tegen euver asielzeukers väöl te hel. In 2006 wèrkde heer es rapper mèt aon 'ne single, geneump, mèt de Horster punkband De Heideroosjes. In dat leedsje pleit heer veur de legalisering vaan softdrugs. In 2008 deeg Leers 'n poging um börgemeister te weure vaan Den Haag en of vaan Rotterdam, meh heer waor toen gein ierste käös. In zien naojaors touwspraak vaan 2009 vertèlde Gerd Leers tot Mestreech de kaomende jaore veur groete veranderinge steit. Dink mèr 'ns aon de oondertunneling vaan de A2 en 't greune stads deil dat dao bove op kump. De oetbreiing vaan 't stads deil "de Belvédère " en 't opnui vernuie en indeile vaan de wieke Lummel en Witte Vrouweveld weure groete projecte in de touwkoms veur Mestreech . 't Zien neet zoemèr mega projecte, meh stök veur stök totaal concepte veur de stad Mestreech. Mèt de sameleving geit heer 'ne dialoog aon, 'ne dialoog vaan kanse. Heer geit de wieke in en geit mèt ederein praote vaan buurtplatforms,  studentevereiniginge, jong lui, aw lui  enz. Op dees meneer probeerde heer e beeld te kriege vaan de winse of ambras vaan de Mestreechter bevolking. Op 14 Jannewarie 2010 zag'ne Mierderheid in de gemeinteraod vaan Mestreech, aongeveurd door de coalitieparteie Pvda, en Groen Links (VVD), 't vertrouwe in Gerd Leers op. Zie voonte tot den' affaire roond 'ne vakantiewoening in Bulgarije, imago-sjaoj aon de stad Mestreech heet gebrach.
Ondersjeidinge Orde van Oranje-Nassau (Nederland) ##Ridder (30 januari 2002)Officeer (7 december 2012)[15] Ierelid vaan de Raad van Europa (2002) Machiavelliprijs voor overheidscommunicatie (Nederland, 2004) Ieredoctoraat vaan de University of Central Missouri (Verenigde Staten, 2008)
Börgemeister Gert Leers deit nao ‘n motie vaan wantrouwe zien amb-kettel aof.