Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Börgm.Bauduin
Petrus Christianus Hubertus Bauduin woort gebore op 22 Oktober 1836 in Roermond, en is gestorreve op 13 Augustus 1910 in Mestreech. Heer waor getrouwd mèt Marie, Clémentine, Antoinette van Halen, gebore 30 Jannewarie 1842, en is gestorreve op 29 Aprèl 1921. Oet de ech vaan Petrus en Marie Clémentine woorte 9 kinder gebore; 1.Antoine Paul Dominique Bauduin, gebore op 21 Fibberwarie 1866, en is gestorreve 20 November 1934, en waor vaan beroop rechter arrondissement-rechbaank in Mestreech, en later katonrechter in Amsterdam. Heer trouwde op 30 Juni 1891 mèt Pauline Antoinette Jeanne MarieBoots, gebore in 1868, en is gestorreve in 1942. 2.Julius Josephus Adolphus Bauduin, gebore op 8 Juli 1867, en is gestorreve op 12 Miert 1938, en waor notaris in Mestreech. Heer trouwde op 13 Fibberwarie 1900 mèt, Bertha Anna Adèle Franciska Vetter, gebore in 1875, en is gestorreve in 1961. 3.Marie Constance Françoise Bauduin, gebore op 1 Fibberwarie 1869, en is gestorreve op 13 Novemberin s’-Gravenhage 1928. Zie trouwde op 11 November 1893 mèt Louis Léopold Polis,civiel ingenieur gebore in 1859, en gestorreve in 1931. 4.Georges Joseph Dominique Bauduin, gebore op 16 Jannewarie 1871, en is gestorreve in 1953. Heer trouwde op 22 Augustus 1903, mèt Catharina Hendrika Bertha van Kleef, gebore in 1874, en gestorreve in 1944. 5.Marie Emma Bauduin, gebore op 6 Miert 1873, en is gestorreve op 8 December 1921. Zie waor secretaris vaan de gezoondheids zörg. 6.Joannes Joseph Franciscus Bauduin gebore op 16 Aprèl 1875, en is gestorreve op 4 Oktober 1937.Werkde bij de vermicellie febrikke. Heer trouwde op 20 Januwarie 1917 mèt Victorine Henriette Antonia Smeenk, gebore in 1881, en is gestorreve in 1975. 7.Marie Alice Bauduin is gebore op 6 Miert 1877, en is gestorreve op 18 December 1948. 8.Paul Marie Frans Bauduin is gebore 31 Oktober 1878, en gestorreve op 5 Juli 1935. Heer waor vaan beroop advocaot -generaol vaan ‘t gerechshof in Amsterdam. 9.Léontine Marie Bauduin, gebore op 22 Juni 1883, en is gestorreve in 1977. Zie trouwde op 25 Juni 1918 mèt Henricus Franciscus Thijsen, gebore in 1870, en is gestorreve in 1949. Heer waor werktuigkundig hoof-ingeneur. Burgm. Bauduin waor lid vaan de Gemeinteraod vaan 1872 tot 1881 en later Wethouwer vaan 1881 tot 1900. In 1900 woort heer gekoze tot Börgemeister vaan Mestreech  es opvolger vaan Börgemeister Willem Hubert Pijls. Petrus Christianus Hubertus Bauduin waor vaan beroop 'ne pasta fabrikant. In 1903 naom heer ‘ne vermicelli-febrik euver in ‘t centrum vaan Mestreech. Heer maakde op zien febrik vermecelli-merke wie Stella, Lions Brand, Bauduin's Vermecelli en San Lorenzo. 't Febrik vaan Bauduin, gelege aon de Groete Loeiersstraat 22 , heet tot 1993 geproduceerd meh woort min of mie gedwónge te stoppe umtot de P.V.D.A vaan Mestreech dao sociale woeninge wouw bouwe.  Ne jaore lange procedure veurkaom de bouw vaan die woeninge in 't Jeker-keteer, nen' uniek stökske Mestreech. 't Aajt febriksterein is noe nog altied eigendom vaan de erve vaan de Femilie Bauduin. Petrus Christianus Hubertus Bauduin,
Petrus Christianus Hubertus Bauduin. 1836 - 1910. Börgemeister 1900-1910
't Volk numde häöm ouch wel " Baudewing " verbeterde in Mestreech oonder andere de Volkshoesvesting mèt naome de Woening-Wèts-Woeninge veur 't wèrkvolk. In de jaore tösse 1870 en 1880 waore door de verkaveling vaan de stad väöl woeninge oetgewoend, verkrot en de mieste waore in bezit vaan partekelere. Evels den' ierste dee woeninge maakde veur 't wèrkvolk waor Petrus Regout, dee in 't jaor 1864 'ne woenkazerne bouwde, vaan 4 etage's hoeg, en de naom mèt kraog vaan " Cité Ouvriere ". Meh 't volk vaan Mestreech numde 't gebouw " De Groete Bouw ". Door euver-bewoening raakde 't al snel verkrot en woort in 1930 al weer aofgebroke.Veur Regout waor de kazerne daan mesjiens 'ne daod vaan paternalisme, leefdaodigheid en zörregzaomheid, meh de bewoeners zaoge 't veural es e ramp-plaots vaan oongesieferte en cholera. Normaal sanitair had me neet !!. De Woeningwèt is 'ne Nederlandse wèt ingeveurd in 1901 door 't kabinet Pierson. Dee wèt is aongenome op 22 Juni 1901 en traod in wèrking op 1 Augustus 1902. 't Doel vaan de Woening-Wèt waor : bewoening vaan slechte woeninge woort onmeugelek gemaak, en um de bouw vaan gooi woeninge te bevordere.'t Waor 't begin vaan de euverheids-zörg veur 't woene. Um dat te bereike gebruukde me 'ne combinatie vaan strenge regels, um de slechte woeninge tege te goon en 't gebruuke vaan gemeinsjaps-geld um de bouw vaan gooi woeninge te bevordere. t Geld woort gebruuk door de Woening- Corporaties, en geld veur te sjete, veur de bouw vaan die Woening-Wets-Woeninge.
De poort vaan 't febrik  Bauduin gelege aon de Loeiersgrach
Staandbeeld Minckeleers. 1904.
De bouw vaan den ' ierste woeninge, vaan de Wèts-woeninge woorte ten Weste vaan de Hertogsingel gebouwd. Nao den’ ophufting vaan de Garnizoens-Stad Mestreech in 1867, trokke de rieke lui de stad oet en bouwde me de sjoenste villa's. Zoe ontstoont ouch 'ne nuie wiek, naomelek 't Villapark, wiet eweg vaan 't slechte milieu vaan de kleine industrieën. In 1902 woort e begin gemaak mèt ‘t aonlègke vaan Singels, groete straote nao ‘t Frans veurbeeld. Zie móste breid en laank zien mèt aon allebeij de kante, sjieke hoezer of villa’s, mèt es speerpunt ‘ne sjieke woenwiek veur de gegoede burgerij in ‘t Jekerdal. Zoe woorte ‘nen aontal singels aongelach wie de Hertogsingel, Statensingel, Wilhelminasingel, Frontesingel. In 1904 woort op 10 Juli door Börgemeister Bauduin 'ne staandbeeld oonthöld vaan Minckeleers op de Mèrret, hook Boschstraot. Heer waor d'n oontdekker vaan 't leechgaas en oetvinder vaan de gaas-verliechting. Minckeleers studeerde in Leuven, boe heer proffessor in de natuurkunde woort. Dao oontdèkde heer tot me, door kole te verhitte zoonder zuurstof, me e gaas kraog. In Mestreech woort in 1854 den ' ierste gaasleiding gelag veur straot-verliechting. In dat zelfde jaor woort ouch e begin gemaak vaan de aofbraok vaan moerhoezer in ‘t Laank Grechsje. Die waore sterk in verval en daodoor woort d’n ierste umwalling dao weer ziechbaar. Ein hoes bleef dao stoon en dat waor ‘t hookhoes. Petrus Christianus Hubertus Bauduin, waor Majoor Commedant vaan de D.D. Stadssjötterij. De Landweer-Wèt vaan 1901 heef alles op, en dat beteikende tot de DD Stadssjötterij in 1906 woort opgeheve. Op ‘t momint heet Mestreech weer ‘ne DD Stadssjötterij, dee woort heropgeriech in 1980.  In 1907 woort Petrus Christianus Hubertus Bauduin Ridder in de Orde vaan Oranje Nassau. Op 13 Augustus 1910 storf Börgemeister Bauduin oonverwachs. Börgemeister Petrus Christianus Hubertus Bauduin woort in 1910 opgevolg door Börgemeister van Oppen.
De D.D. Stadssjötterij 1901.
Femilie-graaf Bauduin. Toongerseweeg.