Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Börgm.van Slijpe
Mr.Johan,Godard, Hubert van Slijpe gebore op 7-2-1732,en is gestorreve op 8-5-1791. Heer trouwde op 5  Juni 1753 mèt Cornelia de Ron, gebore op 10 September 1721 (Frankfurt am Main) en gestorreve op 6 Mei 1784 te Mestreech. Zie kraoge same 4 kinder. 1.Petrus van Slijpe gebore op 20 September 1756 en is gestorreve op 30 Aprèl 1824. 2.Jan Goderty Cornelis van Slijpe. is gebore op 23 November 1757 en gestorreve  op 28 November 1838. Heer waor getrouwd op 30-9-1783 mèt Jeanne Elenora Geyer geb.4-12-1750 (Aoke) en gestorreve in Leeuwarde op 16 Juni 1788. 3.Johanna Catharina van Slijpe is gebore op 20 Julie 1760 en gestorreve op 1 Juni 1782. Zie waor getrouwd mèt Isaac Hendrik Geyer (Aoke) geb.? en is gestorreve  op 15 Oktober 1827. 4.Maria Sara van Slijpe is gebore op 12 Mei 1762 en gestorreve  op 13 Julie 1834. Zie waor getrouwd op 25-4-1788 mèt Quirinus Alexander Collard gebore op 15 Juni 1766 en is gestorreve op 18-1-1805. Zie kraoge same 5 kinder. Johan Godard Hubert van Slijpe waor vaan de Twie Hierigheid vaan de Braobantse kant, en schepen in Mestreech in de jaore vaan 1762 tot 1772.   In 1763 waor heer vervèngend schout in Gulpe en curator vaan de Latiense sjaole in Mestreech in de jaore 1766-1767.   In ’t jaor 1772 woort heer tot Börgemeister vaan Mestreech gekoze ( de Braobantse kant)   en vervölde dee functie twie jaor laank. Bovenstaonde foto vaan ‘t sjèlderij vaan Johan Hubert hingk in ’t Stadhoes vaan Mestreech.
Johan Godard Hubert Van Slijpe 1732 -1791
Joonkhier Godard Jan Cornelis van Slijpe woort gebore op 22 November 1757 in Mestreech. Heer woort d’n daag nao zien geboorte op 23 November 1757, geduip in de St Janskèrk oppe Slevrouwe plein in Mestreech. Zien awwers waore Mr.Johan Hubert van Slijpe ( foto) en Cornelia de Ron, gezworene vaan Braobantse kant in Mestreech. Mr.Johan Hubert van Slijpe waor gezworene in de jaore 1762, 1763, 1768, 1769 en 1772. ‘n Gezworene waor ‘ne volksvertegenwoordiger, en adviseur vaan de Schepene, en móos de Schepene zoedaonig ouch oondersteune. Ouch mós heer touwzeen op beslute vaan ‘t college vaan  Schepene en of die beslute wel woorte naogeleef of oetgevoerd. ‘n Gezworene woort benump door de Landshier, en stroomde miestal door tot Schepene. In de jaore vaan 1764, 1765, 1770, 1771, 1774,en 1775 waor heer Schepene vaan Braobantse kant in Mestreech. Op 6 Fibberwarie woort heer benump tot Substituut Schout in Gulpe. Curator der Latijnse Scholen woort heer in Mestreech op 6 Fibberwarie 1776, en Vice-Hoog-Schout vaanaof 23 Oktober 1781. Secretaris vaan de Hoofdbank (Regionale Rechbaank) in Beek, woort heer in ‘t jaor 1788. Op 4 November 1794 vele de Franse Mestreech binne, oonder de leiding vaan Jean-Baptiste Kléber, en dat beteikende 't einde vaan de twiehierigheid in Mestreech. Bij 't verdraag vaan Den Haag op 16 Mei 1795, stoond de Republiek der Verenigde Nederlanden häör rechte vaan Mestreech aof aon Frankriek. Mestreech   woort de hoofstad vaan 't nui Franse Departement " Nedermaas "   en Mestreech woort vaanaof noe bestuurd door zeve maan vaan 't gemeintebestuur, zjus wie de Franse dat in Fraankriek hádde . 't Doorde tot nao 1800 wie 't gèt röstiger woort in de stad en land, en kaom de leiding te ligke bij eine persoen, naomelek “De Maire”. Napoleon woort op 18 Juni 1815 verslage bij Waterloo en dat waor ‘t einde vaan ‘t Franse riek in Nederland en Mestreech. Joonkhier Godard Jan Cornelis van Slijpe waor ‘ne tied laank Lutenant in ‘t regimint vaan Prins Frederik van Oranje-Nassau. Vaan Fibberwarie 1808 tot miert 1815, woort Joonkhier Godard Cornelis van Slijpe, Börgemeister (Maire) vaan Amby. Ouch woort heer lid vaan de Provinciale Staote vaan Limburg en vaan 1816 tot 1835 en Wethouwer in Mestreech vaan 16 Mei 1815 tot 18 Augustes 1818. Op 18 Augustus 1818 woort heer tot Börgemeister vaan Mestreech gekoze en bleef dat zeventien jaor laank tot 31 Miert 1835. Heer is, en waor daomèt de langs zittende Börgemeister in de historie vaan Mestreech. In de Hervormde Gemeinte waor heer Ouderling in de jaore 1795, 1815, 1819, 1822, 1825, 1827, 1832, en 1836. Ouderling waor e kerkelek ambt binne de Hervormde Gemeinte. Joonkhier Johan Godert Cornelis van Slijpe trouwde in de Waolse kerk vaan Vaols op 30 september 1783 mèt Johanna Eleonora Geyer, gebore in Aoke, op 4-12-1750 en euverlije op 20-6-1788 in Leeuwarde. Zie waor ‘n dochter vaan Jacobus Geyer en Elenora Fellinger. Joonkhier Johan Godert Cornelis van Slijpe en Johanna Elenora Geyer kraoge same drei dochters: 1.Cornelia Eleonora van Slijpe . Zie woort gebore op 18 Juli 1784 in Ax La Chapelle, en geduip in de Waolse Kerk vaan Vaols. Zie is euverlije op 22 Miert 1840 in Mestreech. Cornelia Eleonora van Slijpe trouwde op 22 September 1814 mèt Frederic Cornelis Marie Pichot gebore in 1784 en euverlije in 't jaor 1845. Zie kraoge same 5 kinder. 1.Elénora Jeanne Louise Pichot 2.Louise Cornelia Sophia Pichot. 3.Henriette Georgina Pichot. 4.Karel Godard Sophie Pichot (verheve in de adelstand) 5.Frederica Cornelia Elenora Pichot 2.Joonkvrouw Jacobina, Susanna,Louise van Slijpe. Zie is gebore in 1785 en euverlije op 4-7-1859 in Amby. Zie waor toen 74 jaor. 3. Joonkvrouw Johanna, Sara, Petronella van Slijpe.  Zie is gebore op 4-6-1788 in Leeuwarde en dao ouch geduip en is euverlije op 5-12-1879 in Amby. Zie waor toen 91 jaor . Bij Keuninklek besluut woort Godard Cornelis van Slijpe op 31 Miert 1835 verheve in de Nederlandse adelstand. Umtot heer geine zoon had ,woort bepaold tot den ‘adelstand zouw euvergoon nao ziene kleinzoon , Karel Godard Sophie Pichot. Op 28 November 1838 is Jonkheer Godard Cornelis van Slijpe euverleije.
't Landgood Severe ligk aon de Wesrand vaan Amby.Iers waor 't landgood in bezit vaan de femilie Van 't Zievel meh later kaom 't in bezit vaan de femilei van Slijpe.De lètste van Slijpe verkoch 't landgood in 1880
Joonkhier Godard Cornelis Van Slijpe  1757 - 1838  Börgemeister 1818 - 1835.
Ridder in de Orde vaan De Nederlandse Lieuw
Landgood Severen.