Artieste
Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Tösse 1450 en 1525 genoot Mestreech einige faom es centrum vaan artieste, veural op 't gebeed vaan edelsmeed en geelgeters.(kopergeters) Ein vaan de bikindste Mestreechter geelgeters waor Aart van Tricht, dee leefde umstreeks 't jaor 1500. Heer heet de doupvónt gemaak, dee noe nog achter in de Slevrouwe kerek steit. In 1490 kraog de Mestreechter goudsmeet Meister Ulrich 'nen opdrach vaan de kannunik vaan Servatius um e kosbaar gouwe dobbelkruus te make, dee bezat woort mèt pèrrel en edelstein. Mestreech heet ouch väöl artieste gekind die in 't boeteland miejer kóste verdene en daorum weijer Europa in trokke. Sjèlder Coelers verhuisde nao Luik en nao 1815 vertrok teikenmeister Guillome Franquinet nao Paries, Londen en zellevers nao Noord Amerika. Theodore en Armand Schaepkens gónge in Brussel woene en beeldhouwer Matthias Kessels 1784-1836 góng in Rome woene en woort dao 'nen internationaal bekind artiest. Oondertösse beleefde Mestreech 'nen opkoms vaan de industrie en de dao-aon mèt verboonde eise. Charles Vos wèrkde twie jaor laank veur de Sphinx um dao oontwerpe te make vaan o.a. servies . Alexander Schaepkens leijde de Stads-teikensjaol en väöl Mestreechter artieste, glazeneers en diechters höbbe 'n deil vaan hun leve in de atteljees vaan eerdewerk en aander febrikke gewèrk en 'ne bijdrage gelieverd aon us sjoen Mestreechter stad.
In de Romeinse tied moot in Mestreech väöl wèrrek gewees zien veur alderlei artieste, zoewie beeldhouwers, sjèlders, smeie, en pottemennekes. Jummers dee kleine nederzètting gelege aon de groete weeg vaan Boulogne sur Mer nao Keulen , voldeeg aon de vraog vaan artieste. Dee nederzètting waor 'ne religieus centrum mèt tempels en preesters veur ieredeenste. D' r waor ouch 'ne milletaere bezètting die daan weer alderlei handwèrklui aontrok en genóg geld hadde um artieste te kinne betaole veur hun werk.'t Waore in Mestreech op d'n ierste plaots de eise vaan zoe'n ieredeenste die de artieste werk gaove. Dat kin me oonder aandere zien aon de restante vaan steine beelde die bij opgraovinge woorte gevónde oonder Hotel Derlon. Aon 't Vriethof heet me bij opgraovinge e veurbeeld vaan sjitterend broonswèrk gevónde. In 't Merovingische graafveld oppe Vriethof zien oondermie twie gouwe hengerkes en 'ne zèlvere mantelspang gevónde, bewèrek mèt gestileerde Adelaars motive en edelstein .  Ouch 'nen iezere gespel mèt 'ne fiene decoratie vaan ingelag zèlever. Roond 't jaor 1100 woort in Mestreech väöl gebouwd en 't waor 'ne tied tot handweeklui vaan wied boete Mestreech, tot zellevers oet Lombardije, nao Mestreech kaome um mèt te hèlpe bouwe aon twie groete kèrke. Naomelek de Sint Servaos en de Slevrouwe kèrk. Partekelere lui waore vereinigd in 'ne broedersjap en zoe'n broedersjap waor 'ne vereiniging die 'nen eige altaar had in ein vaan de kèrke vaan de stad. Zie dege hun eige altaar oonderhawwe en perbeerde die daan zoe sjoen wie meugelek te make. Zie heurde daan Artieste in, die dèks oet aander steij kaome, um die de altare daan mèt kuns dege opsere. 
Charles Vos
Mathias Kemp
Henri Jonas
Alexander Schaepkens.
Henri Florimond Goovaerts
Edmond Bellefroid.
Robert Graafland.
Artieste