Edmond Bellefroid
Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
In zien sjèlderijje liet heer dèks soombere dinger zien vaan 't leve, boein de mins geslage , kroepend en beroof vaan zien gelök, door 't leve geit. In 1929 geit heer wèrke bij de Sphinx-Céramique boe heer model en decor oontwerper weurt. Heer zouw dao tot 1946 blieve wèrke . In deen tied, mèt oetzundering vaan de twiede wereld oorlog , oontworp heer 35 serviezer, boevaan de mieste in produktie woorte genome. Heer oontworp neet allein veur de Sphinx febrikke, meh ouch veur de Hema en de Bijenkorf. In de jaore '20 waor heer lid vaan de Bende vaan " De Suise ", e gróp cultuur-leefhöbbers die väöl aovende doorbrachte in Kaffee De Suisse gelege aon 't Vriethof in Mestreech. De Bende vaan De Suisse waor e gróp vaan Diechters, Sjèlders, Architecte, Sjrijvers en aander cultuur-leefhöbbers die in de periood vaan 1920-1927 väöl aovende doorbrachte aon de Stamtaofel vaan dee kaffee. Umstreeks 1930 krijg heer vaan de N.V. Kristaluni 'nen einmaolige opdrach veur 't kristal glaas servies Straminto te oontwèrpe. Bellefroid kós es gein aander um de grenze op te zeuke, vaan zien technische meugelekhede in de gemechaniseerde eerdewèrk- industrie. Edmond Bellefroid kreeg toen ouch vaan de Sphinx den 'opdrach um aw modelle te restylen en weer nui servieze te goon oontwerpe. Zoe óntworp heer 't servies Wilma in 1958. Edmond Bellefroid waor ouch liermeister vaan Pierre Daems dee in 1931 vaste modelleur woort veur Edmond. Umtot Edmond in d'n oorlog neet kós werreke veur de Sphinx, góng heer väöl sjèldere en maakde in deen tied väöl zelfportrette. Tijdens de twiede Wereldoorlog kump ziene zoon Marcel ( 1922-1944) te euverlije en vaanaof deen tied sjèlderd heer expressionistische geweld en maakde later plaots veur sjèlderije mèt ne bittere berösting. Oondaanks de tegeslaag vaan de aofgelaope oorlog, zuut heer weer 't leeg opdage. Den ' oorlog waor veur Edmond Bellefroid 'ne slechte tied, ouch umtot heer ziech neet wouw aonmelle bij de "Kultuurkammer " en ‘t gevolg daovaan waor tot heer móos oonderduke.  
Edmond Bellefroid 1893-1971
kunsjèlder, teikeneer, batikkunsteneer, keramist, industrieel oontwerper, monumintaol kunsteneer, sjèlder, oontwerper vaan bookben, zèlfportrette, enz. , dat waor Guillaume Marie Edmond (Mon) Bellefroid, is gebore op 3 Juli 1893 in Mestreech en gestorreve op 7 Jannewari 1971. Heer trouwde op 31 Mei 1920 in de Lambertus kèrk, mèt Mariëtte Noël, gebore in Ougrée bij Luik. Nao de ech gónge zie woene op de Cannerweeg in Mestreech. De awwers vaan Edmond de Bellefroid waore, Jules Bellefroid, gebore in Mestreech en Marianne Fourage, gebore in Gulpe. Zie trouwde op 3 Juni 1890 in de Sint Servaoskèrk.  ‘t Ierste kind oet de ech waor Jules. ‘t twiede kind waor Edmond Bellefroid. Daonao woorte nog veer jonges gebore boevaan ein keend nao twie maond is gestorreve. De awwers vaan Edmond Bellefroid hadde ‘ne heuje-zaak gelege op de Spilstraot, en zie woende bove de zaak. De ma vaan Edmond, Marianne, oontworp zellevers de hu, en de touwkomstige sjoendochter wèrekde in ‘t atteljee en in de zaak. De pa vaan Edmond waor vaan beroop Bookhawwer. Nao ziene liegere sjaol bij de Broeders vaan de Beyart in de Capucijnestraot,  geit heer nao de ULO, gelege op de Spilstraot. Daoneve volgde heer s'aovends op de aovendsjaol nog n ‘s teikenlès bij Hr.Jelinger,  en op sjaol kraog heer teikenlès vaan Frans van de Laar. In 1907-1908 liet Rob Graafland, Edmond Bellefroid touw tot de Zoondags-sjaol veur Decoratieve Kunste, boe heer zien lierlinge en Edmond liert teikene en sjèldere, nao model en natuur. Dao maakde heer kinnes mèt o.a. Henri Jonas, Jan Grégoire, de gebreurs Pierre en Mathias Kemp en Jos Postmes. In 1910 vertrok Edmond Bellefroid nao Luik um dao teiken en sjèlders lesse te goon volge aon den ‘ Ecole Saint Luc. Meh umtot zien awwers, zien studie neet mie kóste betaole, stopde heer nao twie jaor en góng heer weer trök nao Mestreech, um dao e baon te zeuke bij Usines à Cokes Hollando-Belge. Daoneve sloot heer ziech weer aon bij 'ne jonge gróp sjèlders en lierlinge vaan Rob Graafland. Edmond Bellefroid is ein vaan de belaankriekste Limburgse sjèlders oet de tied vaan 't Interbellum. Oet de sjèldereije vaan Edmond kin ste 't tiedsbeeld zien vaan ermooi, elend, en hoonger . Väöl vaan zien wèrk heet ouch 'ne religieuze inslaag. Al in de jaore twintig wèrkde heer väöl mèt batikken (e meneer um stoffe,pepier en leer te versere) veur 't make vaan verseringe en decoraties vaan keramische veurwerpe. Daoneve oontwikkeld Edmond ziech weijer es vrij kunsteneer.  
In 1950 wèrkde heer op 't klei-atteljee vaan de Staotsmijne in Brunsum. Heer gaof ouch lès aon de Stads academie vaan Mestreech, aon oonder aandere Lou Heynens. 't Jaor daonao in 1951 góng Edmond wèrke bij de Mosa porselein en tegelfebrik, es Estetisch Adviseur en Industrieel oontwerper. Heer maakde serie produkte vaan porselein en vaanaof 1964 ouch tegeldecors. Heer maakde oontwerpe vaan bezundere kwaliteit en de Mosa servieze góonge de hiele wereld euver. Edmond Bellefroid perbeerde oontwerpe vaan oetmuntende kwaliteit te make, vörmgeving en e produk dat op den 'ierste plaots praktisch in 't gebruuk en degelek in den 'oetveuring moos zien. Decoratie zuut heer es ‘nen oonnudege touw-veuging en maakde oontwerpe zoonder decoratie. Mèt 't servies Noblesse oontworp heer oetgerèkde vörme vaan ‘ne koffiepot, kan en tasse en ‘ne schuutvörmig sokkerpötsje. Dat servies behuurd noe tot de sjoenste industriële produkte vaan Nederland. Wie heer 76 jaar waor oontworp heer ein vaan de lètste oontwerpe veur de Mosa, naomelek 't Mokka servies Aristo. Op 7 Jannewari 1971 storf Edmond Bellefroid in Mestreech. Heer waor ierebörger vaan de stad Mestreech en Ridder in orde vaan Oranje Nassau.
Zelf portret Edmond Bellefroid
Edmond Bellefroid.
Château Neercanne-1937-crayon op pepier.
Servies Noblesse-Mosa- 1957  Mosa
Thee Servies
Edmond Bellefroid Graafmonumint.
Hotel Kaffee Restaurant  Suise.
Mariëtte Noël.
Edmond Bellefroid
De awwers vaan Edmond Bellefroid. Jules Bellefroid & Marianne Fourage,