Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Frederik van Hessen-Kassel
Frederik van Hessen-Kassel. Gouverneur  1781-1794.
Frederik van Hessen-Kassel is gebore op 11 September 1747 in Kassel, en gestorreve op 20 Mei 1837 in zien kestiel Rumpenheim, in Hessen - Offenbach am Main. Heer waor 'ne zoon vaan landgraaf Frederik II van Hessen-Kassel, en vaan de Britse prinses Maria van Hannover, dochter vaan George II vaan Ingeland.  Prinses Maria van Hannover storf oonverwachs op 14 Jannewarie 1772, wie ze 49 jaor waor. De awwers vaan Frederik van Hessen-Kassel trouwde op 24 Juli 1740, en oet dee ech woorte 4 kinder gebore; 1.Willem van Hessen-Kassel gebore in 1741, en is gestorreve in 1742. 2.Willem van Hessen-Kassel, gebore op 2 Jannewarie 1743 en is gestorreve op 27 Fibberwarie 1821.Heer waor getrouwd mèt Wilhelmina Carolina van Denemarken, dochter vaan Keuning Frederik V. Willem volgde ziene pa op es landgraaf vaan Hessen-Kassel. 3.Karel van Hessen-Kassel, gebore op 19 December 1744 en is gestorreve op 17 Augustus 1836, heer trouwde mèt Louise van Denemarken. 4.Frederik van Hessen-Kassel, gebore op 11 September 1747 in Kassel, en is gestorreve op 20 Mei 1837 in kestiel Rumpenheim, in Offenbach am Main. Frederik II trouwde mèt prinses Philippina van Brandenburg-Schwedt, gebore op 10 Oktober 1745, en is gestorreve op 1 Mei 1800. Zie waor 'n dochter vaan Markgraaf Frederik Willem van Brandenburg-Schwedt en Markgravin Sophia Dorothea van Pruisen, dochter vaan Keuning Frederik Willem I van Pruisen. Oet dee ech woorte evels gein kinder gebore. Frederik van Hessen-Kassel hertrouwde op 2 December 1786 mèt Carolina van Nassau-Usingen, gebore op 4 Aprèl 1762 en is gestorreve op 17 Augustus 1823. Zie waor 'ne dochter vaan vorst Karel Willem van Nassau-Usingen. Oet de ech vaan Frederik van Hessen-Kassel en Carolina van Nassau-Usinge woorte 8 kinder gebore; 1.Willem  van Hessen-Kassel, gebore op 24 December 1787 in Biebrich (Duitsland),en is gestorreve op 5 September 1867 in Kopenhagen. Heer waor de sjoenpa vaan Keuning Christiaan IX vaan Denemarken. 2.Karel  van Hessen-Kassel, gebore op 8 Miert 1789 in Mestreech, en is gestorreve op 10 September 1802 in Kestiel Rumpenheim. 3.Frederik van Hessen-Kassel, gebore op 24 Aprèl 1790 en is gestorreve op 25 Oktober 1876 in Rumpenheim. Frederik waor oonder aandere Gouverneur vaan de Vesting Luxemburg. 4.Lodewijk Karel van Hessen-Kassel, gebore op 12 November 1791 in Biebrich, en is gestorreve op 12 Mei 1800 in kestiel Rumpenheim. 5.George van Hessen-Kassel, gebore op 14 Jannewarie 1793 in Mestreech, en is gestorreve op 4 Miert 1881 in Frankfurt. 6.Louise Caroline Marie Frederike van Hessen-Kassel, gebore op 9 Aprèl 1794 in Mestereech, en is gestorreve op 16 Miert 1881 in Frankfurt. Zie waor getrouwd mèt Generaol Graaf George von der Decken.(1787-1859). 7.Marie van Hessen-Kassel, gebore op 21 Jannewarie 1796 in Hannau Duitsland, en is gestorreve op 30 December 1880 in Neustrelitz- Duitsland. Zie waor getrouwd mèt Hertog George van Mecklenburg-Streitz.(1779-1860). 8.Augusta Wilhelmine Louise van Hessen-Kassel, gebore op 25 Juli 1797 in kestiel Rumpenheim, en is gestorreve op 6 Aprèl 1889 in St. James Palace, Londen. Zie waor getrouwd mèt Adolphus Frederik van Hannover, Prins van Groot-Britannië, Ierland en Hannover; hertog van Cambridge.
Carolina van Nassau- Usingen 1762-1823.
Frederik van Hessen-Kassel 1747-1837.
Wie Frederik van Hessen-Kassel 13 jaor waor, trejde heer in deens vaan 't Deense leger, oonder Frederik V van Denemarken. In 1760 woort heer bevorderd tot Kolonel, en in 1766 tot Generaal-Majoor. In 1772 góng heer euver, nao 't Staatse leger, boe heer benump woort tot Luitenant-Generaal. In 1784 woort heer Gouverneur vaan de Vestings-stad Mestreech. Dee functie mós heer in 1794 opgeve, wie de Vestings- stad Mestreech veroverd woort door de Franse tróppe, óonder leiding vaan Generaol Jean-Babtiste Kléber. Jean-Baptiste Kléber, gebore in Straatsburg op 9 Miert 1753, en gestorreve op 14 Juni 1800 in Caïro, waor 'ne Franse Ginneraol tijdens de Franse revolutionaire oorloge. In 1794 voch heer mèt bij de Slag bij Fleurus. Oonder leiding vaan Generaol Jean-Babtiste Kléber, naome de Franse tróppe in 1794 Mestreech in. Veer jaor later góng Kléber mèt Napoleon Bonaparte nao Egypte, boe heer later evels in 1800 in Caïro woort vermäörd. Frederik besteide väöl aondach aon de beveurraoding vaan de vestiging. Heer waor evels deks aofwezig en woort toen vervaange door Generaol-Majoor van Welderen.Nao de euvergave vaan ‘t Franse belèk, góng heer nao Den Haag, boe heer ‘n oonderzeuk kraog nao zien bevel-veuring in Mestreech. Op 3 Decenber 1794 woort heer evels gepreze door de State Generaal veur zien gooi condutie. In Aprèl 1798 sjikde Frederik van Hessen-Kassel, 'ne delegatie nao de toen Franse stad Mestreech, um zien persoenleke bezittinge en die vaan zien vrouw oet 't Gouvernemint op te hole. De bibliotheek vaan zien vrouw waor al nao Peries gebrach. De meubele kraog heer neet mèt, umtot me de meubilering in 't Gouvernemint in tak wouw laote. Daoveur in de plaots kraog heer sent, en tien levens-groete sjeldereije vaan aw Mestreechtse Gouverneurs, gesjèlderd door Johamm Valentijn Tischbein (1715-1768). Heer leet die nao zien kestiel Rumpenheim in Hesse bringe, boe de Prins vaanaof 1794 waor goon woene.Tegeswoordig zien ze te bewoondere in 't Jachslot, Fasanerie bij Fulda in Duitsland. In 1803 woort Frederik van Hessen-Kassel benump tot Generaol vaan de Hessische Cavalerie. In 1805 kraog heer d'n titel vaan landgraaf van Hessen-Kassel zu Rumpenheim. In 1810 trooj heer opnui in deens vaan 't Deense leger, es Generaol vaan de infanterie, boe heer later veur zien verdeenste de Orde van de Olifant kraog. In 1816 woort heer door Keuning Willem I benump, tot Commandeur in de Militaire Willems- Orde. Frederik van Hessen-Kassel is gestorreve op 20 Mei 1837 in kestiel Rumpenheim in Hessen - Offenbach am Main.
Frederik II van Hessen- Kassel 1720-1785.
Generaol Jean-Babtiste Kléber. 1753-1800.
Maria van Hannover Groot-Brittannië 1723-1772.
Kestiel Rumpenheim.
Willem van Hessen- Kassel  1744-1836
Karel  van Hessen- Kassel 1789-1802.