Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
    Frederik Maurits de La Tour d’Auvergne
Frederik Maurits de La Tour d'Auvergne is gebore in Sedan op 22 Oktober 1605, en is gestorreve op 9 Augustus 1652 te Pontoise. Heer waor 'ne zoon vaan Henri de La Tour d 'Auverge gebore op 28 September 1555, en is gestorreve op 25 Miert 1623 en Elisabeth van Nassau gebore op 26 Aprèl 1577, en is gestorreve op 3 September 1642, en waor ‘n kleinzoon vaan Willem van Oranje. Heer woort streng Calvinistisch opgeveujd. Es errefgenaom vaan 't “ Huis la Tour d'Auvergne ”,waor heer Vorst vaan Sedan, en Hertog van Bouillon. Frederik Maurits de La Tour d'Auvergne waor ouch Generaol in 't Franse leger. Tege de wins vaan zien femilie, trouwt heer in 1634 mèt de katholieke, Eleonora Catharina Febronia van den Bergh, gebore op 16 Mei 1613, en is gestorreve op 24 Juli 1657. Zie waor ‘n dochter vaan Frederik van den Bergh, Heer van Boxmeer, Sambeek, Haps en Meer. Mèt Eleonora Catharina Febronia van den Bergh kraog, Frederik Maurits de La Tour d'Auvergne tien kinder; 1.Elisabeth de La Tour d'Auvergne gebore op 11 Mei 1635, en is gestorreve op 23 Oktober 1680. Zie trouwde op 20 Mei 1656, mèt Karel III d'Elbeuf. 2.Louise-Charlotte de La Tour d'Auvergne,"Madame de Bouillon" is gebore in 1638, en gestorreve in 1683. 3.Amélie de La Tour d'Auvergne, gebore in 1640, en is in 't kloester getróje. 4.Godfried Maurits de la Tour d'Auvergne, opvolger es hertog van Bouillon. Heer trouwde in 1666 mèt Maria Anne Mancini, ‘n nisjeke vaan Jules Mazarin, samen kraoge zie zes kinder. 5.Frederik Maurits de La Tour d'Auvergne, Constabel d'Auvergne, getrouwd in 1662, mèt Henriette-Françoise markiezin van Bergen op Zoom. 6.Emmanuel-Théodosius de La Tour d'Auvergne, kardinaal vaan Bouillon gebore in 1644, en is gestorreve in 1715. 7.Hippolyte de La Tour d'Auvergne gebore op 11 Fibberwarie 1645, is in 't kloester getróje. 8.Konstantijn-Ignace de La Tour d'Auvergne "Chevalier de Bouillon", Ridder bij de Maltezer orde gebore in 1646 en is gestorreve in 1670. 9.Hendrik Ignace de La Tour d'Auvergne "Chevalier de Bouillon", Ridder bij de Maltezer orde gebore in 1650, en is gestorreve in 1675. 10.Mauricette Fébronie de La Tour d'Auvergne 12 Aprèl 1652, en is gestorreve op 20 Juni 1706, getrouwd in 1668: mèt Maximilien landgraaf van Leuchtenberg. De pa vaan Frederik Maurits de La Tour d'Auvergne, waor Hendrik van Bouillon, gebore op 28 September 1555 in Clermont-Ferrand, en is gestorreve in Sedan op 25 Miert 1623. In Fraankriek waor heer beter bekind es Henri de La Tour d'Auvergne, en waor e Frans edelmaan, diplomaat, en 'ne protestante aonvoerder. Heer had versjèllende titels: Soeverein vorst vaan Sedan, vorst vaan Raucourt, graaf van Monfort en Beaufort, graaf vaan Turenne en Baron vaan Oliergues. Heer waor ‘ne zoon vaan Frans III de La Tour d'Auvergne, burggraaf vaan Turenne, dee in 1594 sneuvelde in de slag bij Saint Quentin.
Frederik Maurits de La Tour d'Auvergne.   Gouverneur 1632-1641.
Elisabeth van Nassau (1577-1642),
Henri de La Tour d 'Auvergne (1555-1623)
Frederik Maurits de La Tour d'Auvergne.
Zoon Godfried Maurits de la Tour d'Auvergne.
Femilie Waope de la Tour d'Auvergne.
Frederik Maurits de La Tour d'Auvergne.
In 1621 vertrok Frederik Maurits de La Tour d'Auvergne  nao “De Nederlande”, um bij ziene noonkes, Maurits en Frederik Hendrik 'ne milletaere opleiding te goon volge. In 1623 errefde heer 't Hertogdom Bouillon. In 't jaor 1629 nump heer deil aon 't belèk vaan  's-Hertogenbosch, en krijg es compensatie of es beloening, 't mèt-bestuur euver de Twiehierege stad Mestreech. Nao de  “Staatse “euverwinning in 1632 woort heer Gouverneur vaan Mestreech, en op 22 November 1632 lag heer de eed vaan trouw aof aon de Bisjop vaan Luik. 't Gouverneur-sjap lieverde häöm e jaor-geld vaan 120.000 tot 140.000 livres op. In Mestreech heet Frederik Maurits de La Tour d'Auvergne es Gouverneur gein al te groete rol gespäöld, umtot heer dèks aofwezig waor. In 1637 naom heer es Commedant vaan 't “Staatse Leger”, deil aon 't belègk vaan Breda. In dat zellefde jaor bekierde de iers streng gereformeerde Frederik Maurits de La Tour d'Auvergne ziech tot de katholieke Kèrk. In 't jaor 1641 nump heer deens in 't leger vaan Lodewijk XIII vaan Fraankriek. En dreij jaor later in 1644 leid heer de tróppe vaan Paus Innocentius X. Frederik Maurits de La Tour d'Auvergne waor in de polletiek 'ne riechtige Bouillonder; ónveurziechtig,'ne samezweerder zoonder slummigheid, gruuts, zellef-euversjatting, arrogant, en meinde ziech bove de wèt te kinne stèlle. In 1633 had Frederik Maurits de La Tour d'Auvergne 'n ónderhaajd mèt de Pauseleke Nunties Caraffa, boein heer verklaorde um katholiek te wèlle weure. Naotot heer veur 'ne twiede kier in kontak mèt Caraffa waor gekaome, deeg heer 't Calvinisme aofzwere. Heer woort mèt de höllep vaan Rector Boddens vaan 't “Jezuïetenhuis” vaan Sint Servaos, in dat zelfde jaor katholiek. Boddens woort vaan daanaof ouch zien Katholieke leidsmaan. De hoespredikant Maresius perbeerde häöm nog vaan gedachte te verandere, meh Frederik Maurits de La Tour d'Auvergne woort katholiek. 't Jaor daonao, in 1634, trouwde heer in Boxmeer mèt de katholieke Eleonora Catharina Febronia van den Bergh, dee heer had liere kinne bij zien bezeuke aon 't Hof in Brussel. Pière du Moulin, predikant in Sedan, waarsjouwde evels Frederik Maurits de La Tour d'Auvergne veur dat houwelik, umtot de Hertog vanweges zien gelouf probleme zouw kriege bij de Staten-Generaal. Mèt Pinkstere 1636 góng heer in Mestreech in 't openbaar nao de communie. 't Einde vaan zien loupbaon in 1641, bij de Republiek, waor wie 't bekind woort, dat heer 'n gooj verstandhawwing had mèt Spanje, boeop de Staten-Generaal haom ziene congé gaof. Indat zelfde jaor vaan 1641 naom heer deens in 't leger vaan Lodewijk XIII vaan Fraankriek. Later leijde heer vaanaof 1644, de tróppe vaan Paus Innocentius X. In 't jaor 1652 is heer gestorreve  in Pontoise.
Kinder vaan Frederik Maurits de La Tour d’Auvergne. Elisabeth,Louise-Charlotte, en Godfried.
Mauricette Fébronie de La Tour d'Auvergne 1652-1706.
In 1591 verwerrefde heer 't Hertogdom Bouillon door te trouwe mèt Charlotte van de Marck. Oet dee ech kraog heer gein kinder. Later trouwde heer mèt Elisabeth van Nassau, dochter vaan Willem van Oranje, en Charlotte van Bourbon. Oet dee ech woorte ach kinder gebore, boevaan twie zäöns en zès dochters. De ajdste zoon Frederik Maurits volgde Henri de La Tour d'Auvergne op es Hertog. 'ne Jongere zoon Hendrik, waor de bekinde Maarschalk Turenne. Hendrik van Bouillon ( Henri de La Tour d'Auvergne) woort in 't jaor 1574 protestant. Heer voch mèt Hendrik IV van Frankrijk tege de Katholieke liga. Heer waor betrokke bij 't complot vaan Biron, zoetot heer naotot heer waor gevaange waor genómme, verbleef heer es polletiek gevaangene in Genève. Henri de La Tour d'Auvergne waor 'n persoenelike vreund vaan Keuning Hendrik IV vaan Fraankriek, en kraog 'nen ieretitel vaan Maarschalk van Frankrijk. Henri de La Tour d'Auvergne trok ziech later trök in Bouillon en Sedan, boe heer 'ne Protestante Academie stiechde. La Tour d'Auvergne waor e Frans adelik hoes, boevaan de naom verwijst nao 't dörrep La Tour-d'Auvergne. Nen ‘ awwere tak, oetgestorreve in 1524, had oongeveer 'ne halve iew de titels vaan  graaf van Auvergne en graaf vaan Boulogne. 'Nen aandere tak, oetgestorreve in 1802, had vaanaof 1594 'ne titel vaan Hertog van Bouillon, en die vaan Hertog van Albret en Hertog van Château-Thierry vaanaof  't jaor 1651.
Frederik Maurits de La Tour d'Auvergne.