Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
André Rieu
     Vaanaof 1989 tot 1993 verzörgde heer ouch nog mèt zien orkes 't Hieringe Biete konzèr in Mestreech boe later 'n LP vaan gemaak woort, vól mèt wèlskes en Mestreechter leedsjes . Al snel woort 't Salon Orkes  oetgebreid tot 'nen André Rieu Straus Orkes, en zie naome 'nen aontal albums op zoewie in 1990  't Straus Gala. In 1991 't Vrierhof  konzer en in 1992  D'n Blaowe Aovend en ouch nog  'n Keersalbum , Merry Christmas. Rieu toert door Europa en trèk ummertouw miejer vol  zaole  en heet bezeunder  väöl suksès oonder aandere in Duitsland .  'Nen echte door braak maakde heer in 1994 mèt zien album " Straus en Co "umtot 't album  83 weke laank in den' album lies stoont en dao-in , 'nen ierste plaots  behaolde . 't Album had wèlskes en 'ne bewèrking vaan operette wijskes vaan Johan Straus en aander bereumde Weense componiste. Dat lieverde André Rieu den' ierenaom op vaan  Keuning vaan de Wals . Heer maakde de negentiende iewse meziek touwgaankelek veur 't groete pebliek en stóng mèt zien single  " The Second Waltz " op 'ne veerde plaots vaan de Hitparade. 't Jaor 1995 woort 'n topjaor umtot heer mèt zes albums in de album lies stoont en.... mèt twie singles in de hitparade. Drei vaan de zes albums woorte opnui oetgebrach en die noe wel good verkochte meh mèt de Straus Albums "Straus Gala", "André Rieu live " ,en  " Wiener Melange" wèt de violist ouch mèt nui mattriaol de harte vaan zien fans te verovere. Wie André in de poos vaan de voetbalwedstrijd Ajax - Bayer München 't leedsje vaan The Second Waltz späölde, riechde gans Europa de auge op André Rieu. Heer kreeg dat jaor ach kier Platina veur zien albums in Nederland meh ouch in Duitsland, Beljz, Fraankriek, Zwitserland en Spanje. In Amerika goon in 1996 alle deure ope en verköp André zien albums bezeunder good.'t Suksès lieverd häöm d'n Export pries op en bij de oetgeverij Strengholt kump 't ierste book oet ,  'n biografie " Mijn werk, Mijn Leve"  en is gesjreve door zien vrouw Marjorie Rieu. Heer späölt altied op 'ne Stradivarius oet 1667 en in 2003 vierde heer zien zèlvere Zjubbilei es muzicus. Zien optrejjes oppe Vriethof in 2006 - 2007 en 2008 en noe nog zien 'n groet suksès en de TV oetzendinge goon de hiele wereld euver.
 Hieringe Biete  Straus & Co  Merry Christmas  Hieringe Biete 1&2  D'n Blauwe Aovend  Straus Gala  Live  Fiësta  Wiener Melange  In Concert  Mein Weinacchtstraum  Stille Nacht  Romantic Moments  Das Jahrtausendfest  100 Jaar Straus
 1993  1994  1992  1995  1995  1995  1995  1995  1996  1996  1996  1997  1998  1999  1999  
 Fiësta  Träumerei  La Vie est Belle  Dromen  Koning der Straus Melodie  Hollands Glorie  Tour d'Amoer  Romantic Paradise  The Flying Dutchman  Songs From My Heart  Weihnachten Rund Um die Welt  New York Memories  In Wonderland  André Rieu Top 100  You'll never walk alone
 1999  1999  2000  2001  2001  2001  2002  2003  2004  2005  2005  2006  2007  2008  2009
André Leon, Marie, Nicolas Rieu is gebore in Mestreech op 1 Oktober 1949, en is  'ne fiejoolis en orkesleijer. Heer is bekind bij 't groete publiek  mèt zien orkes, en  um zien oetveuringe vaan populaire klassieke meziek vaan ónder andere Johan Straus. André Rieu greujde op in 'ne muzikale femilie mèt 'ne dirrizjent es Pa, vaan 't Limburgs Symfonie Orkes en vaan den' Opera vaan Leipzig. Wie André vief jaor waor, lierde heer viool speule  en wie heer negentien waor góng heer  tot 1973  nao 't consevertorium in  Luik. In 1974 kraog heer lès vaan Herman Krebbers aon 't consevertorium vaan Mestreech en in 't jaor 1977 studeerde heer aof mèt 'ne " Premier Prix " aon de meziek-academie vaan Brussel. Dao oontwikkelde heer zien leefde veur de Salon meziek mèt  veural  walse, en riechde heer gèt later 't Mestreechs Salon orkes op. Heer maakde same mèt Frans Vermeule (viool), Jean Stassen (contrabas), Paul Coenjaart (piano), en Gemma Serpenti (cello) zien ierste hit mèt 't nommer vaan "De Nachtegaal vaan Toselli " (seranate), en eve later volgde zien ierste lp, mèt en vaan 't Mestreechs Salon Orkes. Radio presentator Jos Ghijsen vaan Radio Hasselt, veugde bij 't nommer vaan Toselli 't fluite vaan 'nen echte Nachtegaal touw, en eve later stoond de tellefoon roed mèt 't verzeuk vaan, vaan wee dat  pleetsje  wel waor, en boe me dat  kós kaope. 't Woort veur ‘t Salon Orkest ummertouw drökker en drökker mèt  optrejjes.    
André Rieu
Beperkte  Discografie
Ierste CD Mestreechs Salon Orkest. Mw.Houben 1990.