Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
 
Brouwerij   Marres-Ceulen.
Dominicus Augustus (August) Marres waor de twiede zoon vaan Michaël Marres (1797-1865) en Anna Maria Bemelmans (1803-1881). Dominicus Augustus (August) Marres is gebore op 20 Jannewarie 1831 in Mestreech, en is gestorreve op 22 Juli 1899. August Marres trouwde in 1859 mèt Helena Josephina Hubertina Ceulen, gebore op 19 September 1835, en is gestorreve op 7 Mei 1892. Zie waor ‘n dochter vaan Pierre Ceulen, börgemeister vaan Sint Pieter. Oet de ech vaan August en Helène woorte 8 kinder gebore. 1.Gertrudis Maria Josephina Marres, gebore op 22 Juni 1860, en is gestorreve op 12 December 1939. 2.Petrus Felix Adauctus Marres, gebore op 31 Mei 1862, en is gestorreve op 12 Oktober 1899. Heer waor Preester aon 't Seminarie vaan Rolduc. 3.Maria Felicia Hortensia Marres, gebore op 3 December 1863, en is gestorreve op 28 November 1942. 4.Augustinus Joannes Josephus Marres is gebore op 16 Fibberwarie 1866, en is gestorreve op 4 September 1933. Heer trouwde mèt zien achter-nissjeke Julia Marres-Troosters, dochter vaan Edmond Marres woenende in de Cappucijnestraot. 5.Josephus Maria Petrus Hubertus Marres, gebore op 4 December 1867, en is gestorreve op ?? 6.Josephus Maria Petrus Hubertus, gebore in 1868 en is gestorreve op 1 Miert 1869. 7.Johan Ferdinand Marres, gebore op 29 Mei 1870, en is gestorreve op 2 Juli 1890. 8.Edmundus Wilhelmus Franciscus Marres, gebore op 28 Jannewarie 1874, en is gestorreve op 9 Oktober 1942. Heer trouwt in 1898 mèt Amandine Sterckx.
Personeel Marres-Ceulen. 1900.
Edmundus Wilhelmus Franciscus Marres. 1874-1942.
Amandine Sterckx.
Dominicus Augustus (August) Marres 1831-1899.
Dominicus Augustus (August) Marres (1831-1899) is de twiede zoon vaan Michael Marres, brouwer op 't Sle-Vrouweplein. Wie August trouwde koch ziene pa veur häöm e pand op de Groete Grach nommer 60. In de tuin vaan dat pand bouwde me de brouwerij, “Brouwerij Marres-Ceulen”. D'n ingaank vaan de Brouwerij laog aon de Capucijnegaank nommer 6. August Marres woende op de Groete Grach(straot) nommer 60, tot aon zien doed in 1899. August Marres maakde de brouwerij tot e good laopende brouwerij. Ziene zoon Edmond, gebore op 28 Jannewarie 1874, en is gestorreve op 9 Oktober 1942, trouwt in 1898 mèt Amandine Sterckx. Tijdens dat houwelek woort de leiding vaan de Brouwerij aon häöm euvergedrage. In de brouwerij woort in deen tied 't bekinde Marres 'Dobbel-Aajt' gebrouwe. In 1942 is Edmond gestorreve, en kaom de directie in han vaan weer 'ne generatie Marres, en wel bij Edmonds twiede zoon Pierre Joseph Thophile (Pierre) Marres gebore op 29 Juni 1901, en is gestorreve op 11 Fibberwarie 1968. Heer wèrkde op 'ne baank, meh naom wie heer de Brouwerij euvernaom dao ziene congé. Pierre Marres is vaanaof 1951 ouch veurzitter vaan de Stiechting Pro Infantibus in Mestreech, en bleef dat tot zien doed in 1968. De ajdste zoon Henri, waor keel, neus en oerarts en verzörgde de stei Roermund en Venlo. Op 1 Oktober 1959 verkoch Pierre de Brouwerij aon de Beerbrouwerij “Brand” in Wijlre.
                                                    Hoes Marres. 't Hoes-Marres in de Capucijnenstraot is roond 1680 gebouwd door de Mestreechse börgemeister Henricus Thisius van Ingenop. Door vererving kump 't in bezit vaan 't geslach “van der Maesen (1713-1788). Vaan 1873 tot 1903 is 't in bezit vaan de familie Bemelmans, de femilie vaan de grameer vaan Edmond. In 1903 erf Edmond Marres 't hoes. Heer verköp 't hoes op de Groete Grach en geit mèt zien femilie in de Capucijnenstraot woene. Twie generaties Marres bewoene mie es zestig jaor 't hoes. In 1964 verköp Pierre Marres dat hoes, umtot zien volwasse kinder 't awwers- hoes höbbe verlaote en de brouwerij is oontmanteld.  't Hoes weurt övergedoon aon de Stiechting Limburgse Academie veur Bouwkunst. Vaanaof 1998 is dao 't Cultuurcentrum Marres, e centrum veur actuele beeldende kunst.
Woenhoes Femilie Marres-Ceulen. Groete Grach  1960.
Kaffee ‘t Lieuwke Preuflokaal Marres Brouwerij. 1912.
Beer wagel Marres-Ceulen. 1965.
Limburger Koerier. 1931.
Limburger Koerier. 1932.
Veritas : katholiek 14-daagsch blad voor Maastricht 25-11-1944.
Toongerse Straot 54.
Groete Grach 41.
Hoes Marres.