Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Beppie Kraft
Beppi Kraft
Barbara, Laurentia, Christians Kraft is gebore op 5 Juni 1946 te Mestreech en is 'ne dochter vaan Sjeng Kraft en Marie Westenberg, en zuster vaan Marja ,Trudie en Suzy. Beppie greujde op in 'ne muzikale femilie en kraog de meziek zoe gezag mèt de paplepel ingegote. Häöre pap Sjèng, waor accordeonist, arrangeur, producer,  songsjrijver en wèrkde bij Johnny Hoes en zörgde d'r veur tot zie 'nen oetstekende muzikale bojem kraog. Sjèng Kraft is gebore op 12-12-1924 op de Groete Grach, en lierde al vreug accordeon speule. Wie heer dertien jaor waor, woort heer in Luik wereldkampioen accordeon speule en later wón heer nog mie boetelandse concourse. Sjèng waor 'ne tied laank dirizjent vaan "De Vrolijke Limburgers"  en vaan 't Telstar orkes dat o.a. De Zangeres Zoonder Naam, Harry Bordon en Oscar Harris begeleide. Heer sjreef väöl leedsjes veur zèngers en gròppe. Zoe maakde heer väöl leedsjes veur Beppie, meh ouch veur de gròp Normaal. Zien groetste hit waor 't sjrieve vaan   " De Vogeltjes Dans ",  dat 'ne wereld hit woort. Heer storf op 3 Juli 1999 en ter iere vaan haom woort in 2000 de stiechting  " De Sjèng Kraft Kompenei " opgeriech.  Wie Beppie elf jaor waor zóng zie veur 't iers, veur 't groete pebliek, 't winnend Vastelaovendsleedsje vaan Mestreech " Diech Bis Mien Nissjeke ". 't Is de start vaan 'nen indrökwekkende lies vaan Mestreechse en Limburgse leedsjes en hits die Beppie allerweil op häör naom heet stoon. Beppie wèt 't pebliek op de ein of aandere meneer te rake en heet eder jaor weer e nui hit of 'ne Vastelaovends kraker. Wie ze vieftien jaor waor bringk zie häör ierste singel oet en d 'r zouwe nog väöl single's en l.p.'s volge. Zie is al jaore laank 'ne zier gewardeerde  gas zoewie  op de  Boete  Gewoene Boetezitting,  de  Elfde vaan de Elfde en op  't Preuvenemint. E paar vaan häör bekinde en mie es  viefhoonderd leedsjes zien : Iech bin zoe verleef, Oet Limburg Kump de Meziek, Laot Us Same, en zoe kinne ver nog wel eve door goon.  Vaan 1981 tot 1999 vörmde Beppi same mèt Mat Haake 't kemikke duo Berb en Gradus, twie Mestreechter volkstypes. In 1981 deeg zie mèt aon 't  L.V.K. mèt 't leedsje " Dao Zit Vastelaovend in de Loch " en zie behaolde daomèt  'ne twiede plaots. 
E paar jaor later in 1985 deeg zie 't beter umtot zie toen mèt 't leedsje   " Jao hei in Limburg "  't  L.V.K. woont  en dat leedsje kaom oet op 't plate label vaan Telstar. Venaof 1987 tot 2004 gaof zie same mèt Connie Peters leiding aon de groete Limburgse plaate- maotsjappij  Marlstone. "t Label bringk plaate en noe c.d.'s oet vaan o.a. Frans Theunisz, Schintaler, André Rieu en nog  väöl mie Limburgse meziek. Op TV Limburg heet zie 'n kookprogram gehad. In 1994 krijg zie de Gouwe Narrekap umtot Beppie en Vastelaovend dat huurt biein zjus wie Mestreech en de Maos. Beppie is gebore op de groete Grach en dochter vaan 'nen aandere groetheid häöre Pap Sjèng vaan  väöl Vastelaovends sljagers.  Zie steit noe mie es 50 jaor op de buun en heet tientalle Vastelaovends sjlagers op häöre naom stoon miestal gesjreve door häöre Pap. En allemaol mèt zengers enof  artieste die tot 't vaste repertoire vaan Vastelaovends vierend Limburg  zien  goon behure. In 1994 weurt zie  ouch  Ridder in de Orde vaan Oranje Nassau. 't Waor neet altied zinge in häör leve en zie heet netuurlek ouch gewèrek. Bij de V&D waor zie jaore laank Tèlefooniste en woort zier gewardeerd door häör collega's. Beppie Kraft de Edith Piaf  vaan Mestreech,  is 'ne kleine zangeres mèt e groete stum, boemèt zie op fiesteleke mominte en mèt de Vastelaovend  Mestreechter leedsjes zingk. In 2007 vierde de Keuniging vaan 't Limburgse leed häör fieftig jaorig artieste zjubilei mèt e fiestelek opteije oppe volle Mèrret in Mestreech.
't Ierste muilke Danse De ingelkes De nach is nog zoe laank Deep in mien hart Dees stad E bitsje verleef Ich bin zoe verleef Iech bin beppie Iech veul miech riek In d'n hiemel Joonk vaan hart Kakkedie Laot de zon in dien hart Limburg allein Loeënde klokken Met Haom Miene leefste Morge zow iech 't weer euverdoen 'n roes veur ederen daag Roetsjleed Oet Limburg kump de meziek Same mèt diech Same doort mer eve Sierra Madre Sjoen kin toch 't leve zien Spiet Vendaog Zoenen daag
1994 - Gouden Narrenkap 2006 - Ridder in de Orde van Oranje Nassau 2007 - Ereburger van Maastricht 2011 - Bronsgroene Leeuw LIVEKE
Beppie in Ahoy 18 November 2013.
Beperkde Discografie
Oondersjeiinge
Sjeng Kraft
Berb & Gradus
Bronsgroene Leeuw Liveke. 2011
Ridder in de Orde van Oranje Nassau 2006.
Gouden Narrenkap 1994.