Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Lenie Menten
Theo Menten woort dèks begeleid door 't studio orkès vaan Johnny Hoes oonder leiding vaan Sjèng Kraft boe heer ouch 'n aontal L.P.'s mèt heet opgenome. Bekinde Vastelaovends leedsjes zien Hi Ha Happening , Mestreech is eine groete Kaffee,enz. 't Broor vaan Thei waor Steve Menten en waor accordeonist bij De Straotmuzikante. Lenie Menten, de dochter vaan Thei, heet in de begin jaore vaan häör muzikaal leve gezónge in 't achtergroond koer vaan Mary Servaes beter bekind es de Zangerès Zoonder Naom . In 1975 is Lenie same mèt häör neef Harrie Menten accordeon goon speule oonder de Naom vaan Lenie & Harrie. Nao 'n aontal jaore waor 't gedoon mèt 't duo en Lenie góng zelf weijer op de solo tour en neet zoonder succes. Lenie maakde häör ierste C.D. " Puur "  mèt  dao op, 'n aontal nommers mèt ode aon häöre Pap Thei . Oet ierbetoen aon häöre Pap heet zie de nommers vaan Kermis Wals en de Cacewalk Polka op eigensten  wijze opgenome. 't Nómmer " In Mestreech bin iech gebore " is 'ne groete hit gewore en weurt mèt de Vastelaovend euveral gedrejd . De C.D  " Puur woort in 1997 opgenome in de studio vaan  Daan Smid. De twiede C.D.  langs De Maos kaom  in 1999 oet, en zie heet dao e paar sjoen nómmers vaan bij opgenome wie, Grampeer, D 'n Eige Stad, en netuurlek 't bekinde nommer s'Aovends langs de Maos. De lètste C.D. vaan Lenie is de in 2002 opgenome C.D. " Dit is Mien Leve " . Achter de geraniums zitte is neet aon Lenie bestump en zie trooj  altied op mèt fieste, in Kaffees en zier zeker mèt de Vastelaovend in de Kaffee bij " Kien"  in wiek. Op 26 Juli 2012 is Lenie in de leeftied vaan 72 jaor gestorreve.
Lenie Menten 1940-2012
Lenie Menten is gebore in Mestreech op 11 Oktober 1940, en gestorreve op  26 Juli 2012. De femilie Menten is ein groete muzikale femilie en allemaol speule zie op den' accordeon of wie me zeet in Mestreech 'ne trèkzak. Theo Menten, de pap vaan Lenie, numde ziech bij de platefirma Telstar (Johnny Hoes) Thei en waor o.a.  'ne Mestreechter Vaostelaovends zènger. In Mestreech en umstreke waor heer bekind es " De Vogel" en woort in 1918 in Mestreech gebore. Wie heer twintig jaor waor begós heer accordeon te speule en mèt väöl succes. In korte tied waor heer de leveling vaan 't publiek, en mèt ziene stijl vaan speule maakde heer ziene eige  Menten sound. D'n accordeon kaom veur 't iers in Nederland in 't begin vaan de 19e iew, en kaom woersjijnelek via Duitsland us land in. In 1950 waor d'n accordeon  't mies bespäöld instremint . Same mèt ziene vreund Piet Bex vörmde heer jaore-laank  't duo Bex -Menten en zie höbbe same 'n aontal accordeon L.P.'s gemaak die in deen tied good woorte verkoch.  Hun groetste successe  waore  de Kèrmiswals, de Cacewalkpolka, en Heinzelmänchenwachtparade. De Kèrmiswals woort bekroend mèt 'ne gouwe plaat.    
Theo Menten alias De Vogel. 1918-1998.
 Lenie & Harrie Menten