Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Frans Theunisz
Callepins woorte vol gesjreve meh Frans en zien vrun hadde  nog ummer geine naom gevoonde veur de gróp. Umtot zie dèks s ' aovends laat en miestal deep in de nach thoes kaome, woort al snel de naom vaan " De Nachraove " bedach. Den' ierste  lp in 1983 die ze maakde " De Nachraove " woort 'n suksès . De twiede lp oet 1983  waor " Good gebek " , in 1983 kaom de lp " Ammezatie " en in 1984 de lp  " Harte Veer " oet. In 1995 hadde zie mèt Sjèng aon de Gèng 'n moonsterhit, umtot zie ouch 21 weke in de top 40 stinge. D'r woorte 68.000 singles en 40.000 lp's vaan " Sjeng aon de Gèng " verkoch. Zie hadde suksès en zónge ouch gere, meh 't kin gebäöre tot me 't meujelek heet, en d'r probleme kaome. En zoe gebäörde 't ouch tot nao 'n optrejje in 1995 in 'ne tent in Horst-America, de zaak oontplófde en 't waor gedoon mèt de gróp " De Nachraove" . Frans góng solo weijer oonder de naom vaan Frans de Nachraof en gèt later woort 't gewoen Frans Theunisz. Hoegtepunt waor ouch de langste pollenaise oets oppe Vriethof, boe 40.000 lui mèt dege in de struimende rege. 'nen Aander hoegtepunt waor ouch e optrejje mèt Beppi Kraft e vol MVV stadion. De CD vaan dat optrejje kraog de naom vaan "Same Hoonderd" . Zie zónge dao same hun groetste suksèsse . In 1997 kump Frans mèt 'n CD oet vaan " Hei is gèt Loos" en brach daovaan 'ne single oet vaan de "Boerinnekes Dans "   De single vaan "Zing 'ns eve Spring 'ns eve " weurt 'n kleine  hit. Frans Theunisz steit nog altied zoe gèt  8 kier per week op de buun meh heer heet zien wèrrek nog altied  dao bij. In 2006 prizzenteerd Frans eder week e  program op TV Limburg mèt de titel "Aon de gèng ". De programs die Frans maak zien miestal löstig vaan opzat en höbbe versjellende ónderwerrepe. Neve zien activiteite es zènger en TV prizzentater  weurt Frans ouch erkind es Nach-Börregemeister vaan Mestreech. Heer is ouch benump tot iereböger vaan de stad Mestreech, Toongere, Genk, en  Pineda.
                                             Beknopde Discografie 5 LP's (o.a. De nachraove, Ammesasie, Rundsje Roontelum),  7 album-cd's (o.a. Hoppa, oan de gèng, best of the nachroave, nieuw, polonaise)  3 LP-singles (Venile, Sjoghel, Nachroave)  20 cd-singles  2 dvd's (o.a. Nachroave op volle toeren)  6 videoclips (Tirol, Sjeng oan de geng, Deej Zomeroavond, Polonaise nachroave, Zing ‘ns even spring ‘ns even, de Beer is los, heimwee naar me stamcafé)
Frans Theunisz
Frans Theunisz is gebore in 1946 in Mestreech en woende in de Mestreechse  wiek Lummel. Wie heer ach jaor waor verdeilde heer ziene  tied tösse 't voetballe en trommele . Heer  woort lid vaan  Hermenie " De Gele Rijders " . Frans doch iers beroepsvoetballer te weure, meh kaom neet wijer daan 't twiede vaan MVV, en koos daorum mer veur de meziek. Eind jaore '60 späölde Frans es drummer bij de  Mestreechter Popgróp " Opus 23" . Zie troje op bij den' ierste editie vaan Pink Pop in 1970, en maakde wijer optreijens in Beljz , Duitsland, en Ingeland. Later späölde heer nog bij de Sharons, boe de gróp nog 'n top 40 hitsje had. In 't jaor 1981 Späölde en zóng heer bij de Vastelaovends gróp de Straotzèngers same mèt Raymond Quadvlieg vaan Fietseframe en Harry Heltzel en,....mèt de Banane Boxer. De optreijes woorte gèt minder en heer sjreef mèt e paar vrun e singelke, mèt 't clubleed dr'op vaan de volleybalclub Sutherland . Aon den 'aandere kant hadde zie  e nommer gesjreve vaan Sjoggel, Sjoggel (Specie Trecie)  dat  woort gezónge door Monique Bakker. Dat leedsje woort gries gedrejd op de radio en in kaffees, en woort  'ne groete hit. Me had nog geine naom veur de gróp die zie hadde gevörremd,  mèt 'nen  ierste optreje in Kanne. Nao  't optrejje verdrónge de Vastelaovends vereiniginge en aander fies organisaters um Frans en zien gróp veur 'n fies te kinne contractere.     
De Nachraove
Polonaise 1995.
Opus 23. 1969
De Nachraove. Ierste LP.
De Nachraove
Beppie & Frans