Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Sint Maartens  Poort
De nuie Sint Maartenspoort, stadskant, zjus veur d’n  aofbraak in 1868 Links is de nuie Sint-Martinuskerk te zien, en rechs daovaan achter de boum, de Kruuttore.
De middeliewse  Sint Maartenspoort dee op de noord-ooshook van de twiede ommöring vaan Wyck laog, en dee naoventrint in 1639 woort opgenome in ‘t  Sint Maartens-bastion en toen verveel es  als doorgaank.
De in 1783 opnui gebouwde binnepoort.
        Wach huiske Sint Maartens Poort. ‘t Waor nen’ einvoudeg gebouw vaan bakstein, oonder ‘n zadeldaak, dat mèt nen euversteek bove de veurgevel oetstaok. De wach had oersprunkelek  twie wach kamers, die eder ‘nen eigenste touwgaank hadde. Links laog de offeceers wach en rechs dee vaan de soldaote wach. Dit tiep wach-hoes woort naoventrint ’t derde kwaart vaan de 18e iew op ‘nen aontal plaotse  in Mestreech  gebouwd. Oonder aandere bij de Sint Maartens Poort, de Sint Pieters Poort,Tongerse Poort, en de Bosch Poort.
Kaart Mestreech 1670. Good te zien, zien de boete-verdeidigings werreke,um de verdeidigings- poorte te versterke, die door Frederik Hendrik vaanaof 1632 zien aongelag.
                              Sint Maartens Poort. D’n ierste umwalling kaom in Wiek naoventrint aon ‘t eind vaan de 14e iew. Op veurstèl vaan Jan van Brabant woort in ‘t jaor 1318 e begin gemaak mèt de bouw vaan de verdeidigings mör en poorte in Wiek. Aon ‘t ind vaan de 14e iew heet me  ‘ne grach rootelum die vestings mör gegraove. In 1477 woort aon ‘ne verbetering en versterking vaan die verdeidigings werke ‘nen aonvaank gemaak. Die verbeteringe beteikende ouch tot ‘nen aontal verdeidigings mör en poorte, e paar meter verplaots woorte. D’n awwe moer woort aofgebroke, en ‘t puin woort in de grachte gegoeid. Ouch de nui grachte woorte later in 1490, weer boete de stads-mör opnui aongelag. Die grachte woorte gevöld mèt Maoswater en nen ‘aontal waterkierende Bere um ‘t maoswater in die grachte te hawwe mèt lieg water. De Poorte kraoge veur-poorte of aandere  versterkinge. Bij de Sint Maartens Poort bouwde me ein op ziech zelf staonde boete poort. Tösse de jaore 1542 en 1550 ontstoonte den ‘ ierste bolwerke, umtot ‘t gesjöt ummertouw sterker en zwoerder woort. E bolwerk is ‘nen oetbouw in ‘ne verdeidigings moer of wal, boe me vaanoet de zijkante kós vure op de vijand. Vaanoet Wiek lepe al in romeinse tied, twie oetvalsweeg, eine nao Aoke, en eine via de Maosbrök nao Toongere. De Sint Maartenspoort woort veur ‘t iers genump in ‘t jaor 1353. In 1419 woort beslote um ‘ne nuie poort te bouwe aon ‘t eind vaan de Rechstraot. En wel ‘ne poort mèt veer hook-teurensjes. In 1544 begós me mèt de bouw vaan de Sint Maartens boete poort. De binne poort woort later in ‘t jaor 1783 weer opnui opgetrokke en verbeterd. Dao bij woort e wach-huiske gebouwd in de zelfde bouwstijl es dee vaan de Tongerse poort.  ‘t Wach huiske woort jaomer genóg in 1924 aofgebroke. De boetepoort woort naotot de nuie in 1633 gebouwd waor, aon de veld kant touwgemaak en in ‘t talud opgenome, boe ‘t tot 1870 es bergplaots en kooistal woort gebruuk. In 1868 woort alles gesloop en d’r is bekaans niks mie vaan de poorte en verdeidigings mör in Wiek euvergebleve.
Sint Maartens boetepoort. Teikening vaan Simon de Bellomonte. 1535-1615.