Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Börgm.van Oppen
De brögk waor te smal en verkierde in 'ne slechte staot. 't Woort tied veur 'ne nuie, sjoene en moderne oever-verbinding. De Aw brögk kós me daan ouch mèr beter hielemaol aofbreke ! Op 10 Mei 1926 stumde de mierderheid vaan de gemeinte-raod vaan Mestreech veur aofbraok vaan de Aw brögk. Riekswater-staot had al lang nui planne ligke um 'ne nuie brögk, mèt 'nen iezere euverspanning te bouwe op de plaots vaan de Aw brök. Meh wie de gemeinteraod de vergunning had gegeve veur de sloop vaan de brögk, woorte de Mestreechtenere wakker. D'r kaom e groet protes in de stad euver den' aofbraak. d 'r Woort 'ne kommissie opgeriech, breve gesjik nao de Keuningin, en de ministers bemeujde ziech ouch demèt. Oet-eindelek kierde 't tij en woort beslote um de Aw brögk te behawwe en 'ne nui brögk debij te bouwe, de Wilhelmina brögk. De Aw brögk zouw gerestaureerd weure, meh de Riekwaterstaot had dao 'nen aandere gedachte euver wat restaureren is. In feite is de brö,k naomelek gaans aofgebroke. De iewe aw boge woorte mèt dinamiet gesprónge, en in gewapend beton weer opnui opgebouwd. En me maakde nog 'nen iezere baog. Ouch woort de geet-iezere leuning gesloop en vervaange door ‘ne steine leuning. Stökke vaan dee geet-iezere leuning kin 'me hei en dao in de stad nog zien, zoe wie bij den' Openbare sjaol in de Begeinestraot en op de Kommel. In 't jaor 1932 waor 'ne twiede Maos-brögk debij gekaome, meh dee zelfde brögk woort door de Duitsers in 1944 opgebloze en pas in 1960 weer door 'ne nuie vervaange. Bij zien zèlvere ambts-zjubilei woorte häöm twie monuminte aongeboje.'t Ierste waor 'ne gemetselde  baank, gemaak en oontworpe door docente en studente vaan de Middelbaore Kunstnijverheids sjaol. Dee gemetselde baank steit in 't park aon 't Tongerseplein. 'Ne broonze buuste woort gemaak door Charles Vos en aongeboje door de Woeningereiniging Beter Wonen, die op deen plaots väöl woeninge góng bouwe. De buste steit in 't Goeman Borgesius plantsoen bij de Elisabeth Stroevenlaan en woort onthöld op 15 September 1935. In 't jaor 1937 woort van Oppen opgevolg door Baron Michiels van Kessenich, vaan de Rooms-Katholieke Staots-partij.
Bij zien zèlvere ambt-zjubilei woorte twie monuminte aongeboje.  ein baank, oontworpe door docente en studente vaan de Middelbare Kunstnijverheidsjaol en 'ne brónze buste.De buste woort gemaak door Chales Vos en steit in 't Goeman Birgesiusplantsoen.
Leopold Bernard Josef van Oppen  1871 - 1941 Börgemeister 1910-1937
Börgemeister van Oppen 1928.
Leopold Bernard Josef van Oppen woort gebore op 23 Augustus 1871 in Mestreech, en is gestorreve op 20 Oktober 1941 in Mestreech. Zien beroop waor Jurist en heer waor Börgemeister vaan Mestreech vaan 1910 tot 1937. Veurtot heer tot Börgemeister woort gekoze waor heer iers ‘nen aontal jaore gemeinte-secretaris in Mestreech. Ziene pa waor Jean Mathieu Eugène van Oppen en gebore op 18 December 1834 in Schimmert, en is gestorreve op 9 Aprèl 1885. Eugène waor advecaot en kandidaat notaris. Heer waor getrouwd mèt Antoinette Getrude Boots. Eugène van Oppen woort same mèt zien dochter Maria Elisabeth en zien zoon Antoine Ferdinand vermaord. Zoe verloor van Oppen , wie heer 14 jaor waor, ziene Pa, broor en zuster. De drei-dobbele mäördeneer waor Caesar Timmermans, 'ne kaopmaan en winkeleer oet Heerlen. Timmermans dee dèks procedeerde tege de gemeinte, waor baankrót door de väöle processe en sjäöld, en daovaan gaof heer de sjäöld aon de Pa en awwer broor vaan Josef van Oppen. Leopold Bernard Josef van Oppen waor 27 jaor laank Börgemeister vaan Mestreech, in 'ne meujeleke tied vaan d'n ierste wereld oorlog en de crisis-tied vaan veur de twiede wereld-oorlog. De ierste socialiste kaome oonder zien börgemeister-sjap veur 't iers in 1920 in de raod, en mèt hun, 't ierste vrouwelek raodslid. Deen tied woort beheers door den ' ierste wereld-oorlog, de neutraliteit vaan Nederland en de koms vaan Belzje vlöchtelinge. En 't waor netuurlek 'ne crises-tied, meh van Oppen tuinde 'n sociaal geziech, en organiseerde 'ne gemeinteleke wèrk-versjaffing, bouwde e nui hospitaol, en de ierste bejaarde hoezer in Mestreech. Heer waor 'ne sjèlderachtige maan mèt 'ne komaof vaan administratie vaan 'ne febriks directeur. Heer heet väöl beteikend veur de differentiatie vaan de industrie en handel in Mestreech. Oonder zien bestuur kaomde in Mestreech febrikke, wie ein vaan hospitaol-bèdde, 'ne buizefebrik, en ‘ne pepèrre-zakke febrik veur cemint en kunsmès. In dee periood vaan Börgemeister van Oppen, woort ouch in 1913 't centraal Station vaan Mestreech gebouwd. 't Waor 'nen   oontwerp vaan George Willem van Heukelom. Weijer woort 't spoor Heerlen-Schin op Geul aongeslote op Mestreech en de lijn geopend vaan Mestreech nao Aoke. De Aw Maosbrögk , dee in 1932 de naom kraog vaan Sint Servaosbrögk, woort oonder zien bestuur in 1933 gerestaureerd. In 1926 voonte de Gemeinteraod, mèt Börgemeister van Oppen veurop, tot 't tied woort um dee Aw brögk weer te verbetere en te restaurere.
t Graaf vaan Börgm. van Oppen
Börgemeister van Oppen en gemeinteraod 1928.