Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
 
Brouwerij   De Zwarte Ruiter
Eind 19e iew waore d'r in Mestreech nog 'ne groet aontal brouwerije. Eine daovaan waor Brouwerij J.H.Rutten, dee bekind woort vaan 't brouwe vaan Mestreechs Aajt en Mestreechs Jong. De brouwerij vaan Rutten waor gelege aon de Gubbelstraot. Nao 't euverlije vaan J.H.Rutten naome zien zäöns 't bedrief euver, die neet allein brouwers, meh ouch vak-bekwaome handelere waore. Zie exporteerde oonder aandere beer nao Indië, nao de dao gelege milletaire. Dee export nao Indië waor meugelek, umtot 't Mestreechs Aajt lang haajdbaar waor. De zake lepe zoe good, tot de gebreurs Rutten eve boete de Brusselse Poort in 1883 e groete en moderne brouwerij bouwde, oonder de naom vaan;  Rutten’s Bierbrouwerij De Zwarte Ruiter N.V. Ruttens Bierbrouwerij de Zwarte Ruiter in Mestreech, brouwde al vaanaof de opriechting in 1871, oonder-gegis beer, e beer tiepe dat erg in opkoms waor in deen tied. Um 't beer te laote riepe woort 't nao Duits veurbeeld, ‘t beer in groete houte tonne opgeslage. Iers in de grotte vaan de Sint Pieters-berg, en later in keul-machiene’s die Ruttens Bierbrouwerij in Amerika  waore gekoch.De Mestreechse brouwerij waor ein van den' ierste, dee perbeerde zien beer landelijk te verkoupe. Zie kochte euveral in Nederland pande op, um zoe 't beer De Zwarte Ruiter, landelek te kinne verkaope. De drang um ouch in 't weste vaan us land voot aon de groond te kriege, ging gekoppeld aon slech managment, en 't aontrekke vaan vreemp kapitaol. Brouwerij Heineken naom brouwerij de Zwarte Ruiter euver, en exploiteerde 't toen es de Sint-Servatius Brouwerij.De export vaan beer bleef ouch e groet oonderdeil vaan de umzat, meh d'r kaome ummertouw miejer brouwerije bij in Nederland. De administratie vaan de N.V. De Zwarte Ruiter, waor gelege in 't kentoer vaan de Scheepmakershaven  in Rotterdam. Evels door de bombarteminte in de mei daog vaan 1940, is alles verlore gegaange, en is vaan de gesjiedenis vaan de Rutten’s Bierbrouwerij De Zwarte Ruiter N.V. , nog mer wieneg euver gebleve. 't Einigste middeliewse beer vaan Nederland, 't Mestreechs Aajt, weurt nog mer op ein plaots gebrouwe, naomelek bij Herberg De Zwarte Ruiter, in Gulpen, boe 't  e jaor ligk te riepe in eike houte vate. Aon ‘t begin vaan de twintigste iew naom de beerconsumatie in Nederland aof. De directie naom toen ‘t besluut um de brouwerij aof te stoete en allein door te goon mèt de exploitatie vaan de horeca bedrieve. Heineken naom de brouwerij in 1920 euver en veranderde de naom in vaan N.V. Sint Servatius Brouwerij. In 1952 woort de brouwerij geslote. De Zwarte Ruiter kaom trök es beermerk Paul Rutten, directeur vaan de Gulpener Bierbouwerij, dee de naom koch en ‘t verboond aon zien Mestreechts Aajt.
Anna Rutten.Dochter vaan Guilaume Rutten. 1903
Brouwerij gelege aon de Annalaan / Volksplein. 1920
De Zwarte Ruiter Den Bosch.
Volksplein nommer 1.
De Zwarte Ruiter Vlissinge. 1923.
Lagerbeer Mestreechs Aajt. Kelder Volksplein.
De Zwarte Ruiter.