Hoegbrögk Poort
Hoegbrögk Poort Veldkant.
Hoegbrögk Poort Stadskant 1868.
Hoegbrögk Poort. Teikening Simon de Bellomonte.
(1535-1615)
De Hoeg Brögk Poort heet in de laop vaan de historie versjèllende naome gehad. Aander naome veur dee poort waore in de laop
vaan de tied, Duitse Poort, Akerpoort, Oude Wijcker Poort, of Hoogbrugge Poort. Op ‘n kaart vaan Braun en Hogenberg woort de
Poort in 1581 “Hoech Bruge Poort” genump. Noe is de poort beter bekind es Hoogbrugpoort of ouch wel Duitse-Poort. De poort
woort veur ‘t iers genump naoventrint ‘t jaor 1400. De poort bouwde me mèt ‘ne veurbouw vaan twie in de grach staonde torens, die
door de ‘n soort ballustrade mèt de poort verboonde waor, en aonsloot op de verdeidigings moer. In ‘t jaor 1543 woort de poort
verbouwd en aongepas aon ‘t gesjöt vaan deen tied. De kanonne en ‘t gesjöt woorte jummers in deen tied ummertouw groeter en
sterker. De touwgaanks brögk waor laank en had nege baog, zjus wie de aw Maosbrögk. De touwgaanks-brögk leep neet allein euver
de gracht, meh ouch euver de winterbedding vaan de Maos. Dee winterbedding woort ouch wel Heugemer euverlaot genump. De
Hoegbrögk-Poort waor de touwgaanks-weeg nao Aoke, en waor ein vaan de drökste poorte vaan Mestreech. De mieste poort-doorgèng
waore gèt geboge, meh de Hoegbrögkpoort door-gaank waor rech. Dat kaom oonder aandere umtot de poort ‘ne lange brögk had,
euver ‘ne groete grach en winterbedding. De Hoegbrögk Poort (aw) waor ein vaan de sjoenste poorte die Mestreech heet gehad. De
poort woort door gemaskerde persoene in ‘ne Jannewarie-nach in 1869 oonwètmaoteg aofgebroke. Me waor bang tot dee poort neet
aofgebroke zouw weure, en me daodoor gein ruimte kraog veur ‘ne stads oetbreiding, bestump veur nui hoezer of febrikke.
Aw Hoegbrögkpoort 1577.
Hoegbrögk Poort 1577.
Hoegbrögk Poort Veldkant 1868.