Henri Jonas
Hendrikus, Carolus, Charles Jonas (roopnaom Henri of Hari) woort gebore in Mestreech op 28 Mei 1878 en wel in de Mestreechter Smeistraot nommer 2930, es twiede
kind vaan Charlus, Herman, (Sjarel) Jonas en Helena Hubertina (Tieneke) Jungslaeger. Charles Jonas waor vaan beroop Meisterknech-Hoessjelder.
Oet de ech vaan Charles Jonas en Tieneke Jungsleager woorte veertien kinder gebore:
1.Barbara Ida Lucie Jonas, gebore in Mestreech op 10 Mei 1877, en is gestorreve op 11 Juli 1877.
2.Hendrikus, Carolus, Charles Jonas, gebore in Mestreech op 8 Mei 1878, en is gestorreve in Mestreech op 15 September 1944.
3.Petrus Josephus Jonas gebore in Mestreech op 28 Juli 1879, en gestorreve op ?
4.Maria Hubertina Jonas gebore op 29 December 1881, en is gestorreve in Mestreech op 14 Fibberwarie 1884.
5.Arnoldus Johannes Jonas gebore op 5 December 1883, en is gestorreve in Mestreech op 8 September 1889.
6.Maria Johanna Carolina Jonas gebore op 24 November 1885 en is gestorreve op ?
7.Hélène Hubertine Jonas gebore op 19 Juni 1887 in Mestreech en is gestorreve ?
8.Petrus Josephus Antonius Jonas gebore op 5 Mei 1889 in Mestreech en is gestorreve op 16 Juli 1889.
9.Maria Theresia Hubertina Jonas gebore op 2 Miert 1891 in Mestreech en is gestorreve ?
10.Hubertus Hendrikus Jonas gebore op 25 Jannewarie 1893 in Mestreech, en is gestorreve ?
11.Johannes Josephus Jonas gebore in Mestreech op 5 Mei 1894, en is gestorreve op 30 Oktober 1957 in Mestreech.
12.Carolus Franciscus Jonas gebore in Mestreech op 4 Oktober 1895, en is gestorreve 3 Juli 1896 in Mestreech.
In 1880 is 't veerde keend en in 1888 ‘t negende keend gestorreve bij de geboorte.
Servaos brögk
Henri Jonas 1938
Henri Jonas
Henri Jonas
1878-1944.
Netteke Roukens & Henri Jonas
2 Juni 1903
Nao ziene liegere sjaol góng Henri Jonas wèrke bij de baas vaan ziene Pa, es lierling hoessjèlder,
decoratiesjèlder, en glazemeker. Meh de verstandhajding waor neet ummertouw good tösse Henri en ziene
pa. Naotot Henri Jonas ouch nog vaan 'ne stèllage waor gevalle, en 'ne hersesjödding had opgelaope, pakde
heer zien congé, en zeukde Henri nui wèrk. Heer voont die bij de Sphinx febrik es decoratie sjèlder vaan
serviezer. Nao 'nen aontal jaore beveel de rösteloze Henri Jonas 't decoratie-sjèldere neet mie zoe good, en
zeukde nui wèrk dat heer voont bij Johannes Desaive in de Rechstraot in Wiek. Dao woort heer weer hoes
en decoratie-sjèlder. Heer sjèlderde wen, plaffóngs, en deure. En es decoratie-sjèlder maakde heer
decoratieve en monemintaole sjèlderinge. Dat decoratieve wèrk waor nao ziene zin en heer bekwaomde
ziech es technisch en artestiek teikeneer en góng daonao ziech miejer en miejer touwlègke op 't sjèldere
vaan de natuur. Henri Jonas góng ouch weer trök nao sjaol en wel nao de in 1893 opgeriechde Patronaats-
Teikensjaol veur jeugdige wèrklui. Den'aovendsjaol waor dao 'n oonderdeil vaan en stoont oonder leiding
vaan Kappelaon Felix Rutten, en volksdiechter en sjèlder Fons Olterdissen. In 1898 góng Henri Jonas nao
die nui opgerichde Stads-Teikeninstituut, 'ne gemeinteleke vaksjaol veur teiken oonderwies. 't
Teikenoonderwies stoont oonder leiding vaan de toen nog jonge arties Rob Graafland (1875-1940) dee vaan
Amsterdam nao Mestreech waor gehaold. Meh Rob Graafland zaog al snel de beperkinge vaan dees
opleiding, en riechde daan mèt touwstumming vaan de steijeleke autoriteite de Zoondags-Sjaol voor
Decoratieve Kunste op. Tijdens dees praktiek-lèsse op de Zoondag-middag in de tuine vaan Rob Graafland
lierde Graafland zien lierlinge 't teikene en sjèldere nao de natuur.
v.l.n.r. Henri, Hub, Jean, Jos
Maria, Hélène,en Trees Jonas.
De Stenen Roos.
Awwerlek hoes.Lurestraot.
In 1900 góng Henri Jonas wèrke bij 't sjèlders bedreif vaan Victor Snel,'ne kerk hoes en decoratie-sjèlder, gelege aon de Taofelstraot. Victor Snel kraog in deen tied d'n
opdrach um in de aw Kapel vaan 't kloester vaan Calvarieberg, de aw gewelleve in Romaansch-Renaissance stijl te sjèldere. Achter 't Hoofaltaar woort 'n sjèldering
aongebrach, boeop de kruusing vaan Christus op de Calvarieberg centraal stoond. Henri Jonas lierde Maria Catherina (Netteke) Roukens kinne, en de twie angazjeerde ziech
in 1900. Op 2 Juni 1903 trouwde 't koppel. Al snel bleek nao de ech tot 't frêle Netteke, tuberculose had. Zie woende toen nog in de Kleine Lurestraot nommer 25, sjuins
tegeneuver Henri awwerlek hoes. Umtot de gezoondheid vaan Netteke ummertouw slechter woort, verhuisde 't koppel nao 't boete de stad gelege hoes vaan Rob Graafland.
Dao heurde zie 'ne zeivleugel vaan de Villa Aldegonda, gelege aon de Sjanerweeg. Op 18 Miert 1907 verhuisde zie dao nao touw. 't Boeteleve deeg Netteke Jonas good, meh de
verstandhawwing tösse Henri Jonas en Rob Graafland waor neet al te good. 't Koppel verhuisde daan ouch in de winter vaan 1907/1908, nao 'n op de twiede etage gelege
appartemint op de Alexander Battalaan. Dao bleve zie 'nen aontal jaore woene, meh in 1912 verhuisde zie nao 't awwers-hoes vaan Henri Jonas in de Kleine Lurestraot
nommer 10. Op 31 Miert 1915 storf Netteke, op 38-jaorige leeftied, aon tuberculose.In de jaore tösse 1925 en 1932 maakde Henri de sjoenste sjèlderije en teikeninge. Heer
waor ouch bekwaom in 't make vaan glaas in loed vinsters, en heer kraog d'n opdrach um glaas in loed vinsters te make veur de nui gebouwde Koepelkèrk. In 1926 lierde heer
in Peries 'n bekind sjèlders-model kinne. Eugénie Servais en zie kraoge same ‘n relatie. Oonder drök vaan de Kèrrekelike opdrach-gever vaan de glaas in loed vinsters, moch
heer neet mèt Eugénie Servais trouwe, umtot zie nog altied neet gesjeid waor. Heer kaom daodoor in 'n depressie en woort opgenome in 'ne psychiatrisch hospitaol, boe heer
veur lange tied woort opgenome.
Netteke Roukens.
1877-1915.
Eugène Servais.
Venaof 1933 tot 1937 woort heer in 'nen aontal hospitaols verpleeg. Es terapie woort 't sjèldere door de dokters en
verplegers aonbevole. In 1937 trouwde Henri Jonas toch nog mèt zien geleefde Eugénie Servais, umtot Eugénie
oondertösse wedevrouw waor gewore. In Juni 1940, nao 't oetbreke vaan de twiede wereld-oorlog, woort Henri Jonas
weer opgenome, en noe in de psychiatrische aofdeiling vaan 't Mestreechs hospitaol Kalvarie.
Henri Jonas storf veer jaor later, zjus 'ne daag nao de bevrijding vaan Mestreech in 1944 door de Amerikane.
Oondertösse woort in de straote vaan Mestreech gedans en gefies, umtot 'nen einde waor gekoume vaan veer jaor
bezètting. Veur Henri Jonas kaom de doed ouch es 'n bevrijding vaan 'n periood vol angs en duusternis. Inkele jaore
nao de doed vaan Henri Jonas, kraoge de psychiatrische hospitaole 'nen affeer, umtot de weduwe vaan Henri, Eugène
Servais beslaag lag op al de wèrreke die Henri in ‘t Hospitaole gemaak had.
Henri Jonas is wie heer 66 jaor waor, gestorreve op 15 September 1944.
Sculptuur
Henri Jonaslaan.
Caberg.
1878-1944.
