Frederik Magnus van Salm
Frederik II Magnus van Salm is gebore in 't jaor 1607 en gestorreve in 1673. Heer woort ouch “De Rijngraaf ” genump, en waor 'n Duits Edelmaan en Milletaer in
“ Staatse ”, deens. Heer waor oonder aandere; Wildgraaf van Dhaun en Kyrburg, Rijngraaf van Stein, Graaf van Salm en Baron van Finstingen. Heer bekleijde ein vaan de
hoechste positie's in 't “Staatse Leger”, evels veurde heer meh zelde 't opperbevel euver 't leger.
Frederik Magnus van Salm waor 'n keend vaan 't invlood-rieke geslach Salm. Heer woort gebore es jongste zoon vaan Frederik I van Salm gebore in 1547, en is gestorreve
in 1608, en Anna Amalie van Erbach gebore op 10 Juni 1577, en is gestorreve in 1630. Frederik II Magnus van Salm woort woort Luthers opgeveujd. Frederik Magnus van
Salm trouwde in Rueb bij Parijs, mèt Marquérite Tissard, dochter vaan 'n Normandische baron.
Oet de ech vaan Frederik en Marquérite woorte twie kinder gebore;
1.Frederik III Willem van Salm, gebore in 1637, en is gestorreve in 1665. Heer storf bij ‘n duwèl, en had gein kinder.
2.Karel Florentijn van Salm, gebore in 1638, en is gestorreve in 1676. Karel Florentijn woort in 1659 katholiek, veur zien houwelek mèt Maria Gabrielle, erfdochter vaan
Lalaing-Hoogstraten. ‘t Houwelek woort op 14 December 1659 geslote in de Mestreechter Sint-Nicolaas kèrk.
In 1676 belaofde stadhouder Willem III, Frederik III Magnus van Salm, 't Gouverneur-sjap vaan Mestreech, meh heer storf naotot heer waor neergesjote, bij 't belègk
vaan Mestreech in 1676.
Es zoon vaan, zouw Frederik II Magnus van Salm neet erreve, en koos heer veur 'ne Milletaere loupbaon. Frederik Magnus van Salm maakde in 1635 carrière in 't
“Staatse” leger es Kolonel, en in 1641 es Commedant. In 1642 woort heer benump tot Milletaer Gouverneur vaan Sluis, en op 11 September 1648 tot Gouverneur vaan
Mestreech, ein vaan de hoegste functies vaan 't “Staatse Leger”. In 1661 woort heer bevorderd tot Luitenant-Generaal en in 1672 tot Generaal vaan de Cavalerie.
Frederik Magnus van Salm.
1607-1673.
Es Gouverneur vaan Mestreech weigerde heer iers de “Eed vaan Trouw”, aof te lègke aon de medeheer vaan Mestreech, de Prins-Bisjop vaan Luik.
Tijdens 't “Eerste Stadhoudersloze Tijdperk”, (1650-1672) woort heer gewantrouwd, es orangist.
't Orangisme of wie me ouch zeet “de Prinsgezindheid ”, waor e polletieke strouming in de Republiek der Zeven Verenigde Nederlanden (1588-1795).
Umtot heer ouch femilie waor vaan Amalia van Solms en getrouwd waor mèt e nissjeke vaan Kardinaal de Richelieu. In 1641 begeleide heer Willem van Oranje
op zien houweleks-reis nao Engeland. In 1649 kraog Frederik II Magnus van Salm vaan de Deense Keuning Frederik III, de orde vaan de Olifant. Op 't inde vaan
de tachtig-jaorige oorlog waor Frederik Magnus van Salm, es milletaer betrokke bij versjèllende belegeringe. In 1638 woort heer bij Bergen op Zoom door de
Spanjaarde gevaange genome. In 't jaor 1646 naom heer deil aon 't belègk vaan Antwerpen, en in 1648 had heer 'n belaankriek aondeil euver de touwkoms vaan,
de Landen van Overmaas, door die te bezètte, zjus veur de oonderteikening vaan de Vrede van Munster. In 1657 trok heer in opdrach vaan de Staten Generaal,
tege de Bisjop vaan Munster, Bernard van Galen op. Um de rechte vaan de Republiek bij de oonderteikening vaan 't Partage-tractaat te oonderstriepe, leet
Frederik Magnus van Salm in 1661 zien tróppe vaanoet Mestreech, door de “Landen van Overmaas” marsjere. In 1665 aon 't begin vaan de “Tweede Engels-
Nederlandse Oorlog”, mós heer weer optrèkke tege Bermard van Galen, dee ziech mèt de Ingelse had verboonde. Bij 't oetbreke vaan “De Hollandse Oorlog” in
1672, woort de 65 jaorege Frederik II Magnus van Salm, neet mie gesjik geach um stèrk weerstand te beje, aon de Franse tróppe. Nog veur 't belègk vaan
Mestreech in 1673, door de Franse Keuning Lodewijk XIV, is Frederik Magnus van Salm gestorreve. Drei daog nao zien doed op 25 Jannewarie 1673 woort
Frederik II Magnus van Salm begraove in de Jezuïetenkerk in Mestreech, dee toen in gebruuk waor door de Waalse kèrk, noe de Bonbonnière.
Amalia van Solms, gravin van Braunfelds
1602-1675.
(vrouw vaan Frederik Henderik van Oranje)
Orde vaan de Olifant.
Kardinaal Richelieu.
1585-1642.
Sint Nicolaaskerk.
1872.
Keuning Frederik III,
Sophie Amalie of Brunswick-Lüneburg
1607-1673.
Gouverneur in Mestreech
1648-1673.
Femilie waope
van Salm.
