Börgm.Hieronymus van Aken
De kèrk, 'ne dreibeukige neogotische kruusbaseliek, heet 'nen aon de Franse gotiek oontliende vörme. Door de
bouw heet me de Kruut-toren in1868 mote aofbreke, oondaanks väöl protes. Wie de Pastoer vaan Wiek zag,
oontnaom de tore 't ziech op ziene kèrk. Petrus Josephus Hubertus (Pierre) Cuypers restaoreerde in 1860 tot 1870
en vaan 1886 tot 1892 ouch de Sint Servaos kèrk. D 'r woorte twie torens vervaange door neogotische
oetveuringe.Tösse die twie torens bouwde me nog 'ne neogotische tore dee in 1955 aofbrande en neet mie woort
opgebouwd. De kèrk vaan Wiek is bekind door 't miraculeuze zwarte kruus dat dao bewaord weurt. Op 31 Oktober,
Börgemester van Aken waor zjus e paar maond deveur gestorreve, waor in Mestreech de lètste eksekusie op de
Merret. Johannes Nathan oet Sittard had zien sjoen-mam vermaord, (weduwe Driesens) en waor ter doed
veroordeild. Um haaf tien s'mörges verleet Johannes Nathan de gevaangenis oonder 't stadhoes vaan Mestreech,
mèt neve häöm laopend 'ne geisteleke. Veur 't stadhoes stoond e sjavot en dao woort heer door de scherprechter
um tien oor opgehaange. Later woorte nog miejer lui ter doed veroordeild, meh de Keuning gaof ummertouw
gratie. In 't jaor 1858 woort in Wiek 't eerdewèrk-febrik de Céramique gebouwd door Winand Nicolaas Clermont.
Iers wèrkde heer same mèt Petrus Regout en hadde zie in 1842 same e geweer febrik. Ouch zaote zie same in 'ne
kemissie vaan spoorwege, um 't bestudere vaan 'ne spoorbaon aon te lègke tösse Mestreech en Aoke. Wijer had
Clermont same mèt N.A.Bosch in deen tied 'ne zaajt en zeip febrik in Wiek. Vaanaof 1843 zaot heer in de
Gemeinteraod vaan Mestreech en in 1851 woort heer gekoze tot Wethouwer. Wie me bij Keuningklek besluut in
1867, Mestreech de status oontnaom vaan Vestigings-stad en me touwstumming kraog um boete de Stads-moer te
mage bouwe, naom de gemeinte de apprentie mèt twie han aon. In 't jaor 1857 waor me al begonne mèt de sloop
vaan St.Maartenspoort.Hieronymus Joannes Wilhelmus van Aken is gestorreve op 19 Juli 1860 in Mestreech, en
woort opgevolg door Börgemeister Willem Hubert Pijls.
Heronymus Joannes Wilhelmus van Aken, gebore op 22 Jannewarie 1796 in Mestreech, en is gestorreve op 19 Juli 1860 in Mestreech. Heer waor ‘ne zoon vaan Leo
Guilemus van Aken (gebore op 6 Juli 1750) en Anna Sophia Theodora Josepha Wilhelmina de Moers.
Leo Guilemus van Aken en Anna Sophia Theodora Josepha Wilhelmina de Moers kraoge same 7 kinder;
1. Theresia Johanna Rosa van Aken, gebore in Gerresheim (Düsseldorf) op 7 Oktober 1794 en is gestorreve in Mestreech op 7 Oktober 1865. Zie trouwde op 3 juni 1819
mèt Petrus Lambertus Janssens, gebore in Mestreech op 23 November 1788. Heer waor landeigeneer, en Börgemeister vaan Bun in 1835. Heer is gestorreve op 10
Fibberwarie 1872.
2. Hieronymus Joannes Wilhelmus van Aken,gebore in Mestreech op 22 Jannewarie 1796, en is gestorreve op 19 Juli 1860 in Mestreech.
3. Annette Wilhelmine Joséphine van Aken gebore in Mestreech op 4 Fibberwarie 1797, en is gestorreve op 22 Augustus 1877. Zie waor getrouwd mèt Jean Godefroid
Hyacinth Tielens, gebore op 22 Augustus 1797 in Mestreech, waor bankier in Mestreech, lid vaan de gemeinteraod vaan Mestreech vaan 1841 tot 1851. Heer is gestorreve
op 20 Augustus 1860,
4. Nicolaus Balthazar Hubert Marie van Aken, gebore in Mestreech op 30 Jannewarie 1798, en is gestorreve op 13 September 1870 in Luik. Vaan beroop waor heer
Renteneer. Heer trouwde in Laonaoke (Belzj) op 3 Juni 1835 mèt Maria Agnes Hubertina Augustina Breuls, gebore in Mestreech op 10 Augustus 1810. Zie is gestorreve op
1 Juli 1836.
5. Philippe François Leonard Marie van Aken, gebore in Mestreech op 6 November 1799, en is gestorreve in Mestreech op 17 December 1838.Vaan beroop waor heer
controleur vaan ‘t kadaster. Heer trouwde mèt Gertrudis Maria Cornelia Ruyters, gebore op 10 Aprèl 1810 en is gestorreve op 13 December 1878.
6. Marie Philippine van Aken, gebore in Mestreech op 17 November 1800. Zie waor Rinteneerster vaan beroop. Zie is gestorreve op 29 December 1872.
7. Charles Philippine Etienne Hubert Leon van Aken, gebore in Mestreech op 28 Augustus 1805, en is gestorreve in Mestreech op 9 September 1864. Vaan beroop waor
ouch heer Rinteneer.
Spoor Hasselt - Mestreech.
Teikening Aw Spoorbrök. 1856.
Heronymus Joannes
Wilhelmus van Aken,
Kopere lègkpenning vaan
Börgemeister van Aken
Annette Wilhelmine
Joséphine van Aken.
Hieronymus Joannes Wilhelmus van Aken bekleide veurtot heer Börgemeister vaan Mestreech woort ‘nen aontal hoege ambte.
Zoe waor heer oonder aandere controleur vaan de “ Waarborg der Gouden en Zilveren Voorwerpen”. Naotot ‘t goud of zèlver
waor gekäörd op gewiech enz. kraog ‘t veurwerp ‘ne stempel-merk veurtot ‘t op de mèrret woort gebrach. Heer waor ouch
district-commissaris, plaotsvervèngend kantonrechter vaan Mestreech. Heer waor lid vaan de Gemeinteraod vaan 31 Miert 1835
tot 1 Juni 1839, en vaan 1855 tot 1860. Lid vaan de Provinciale Staote vaan Limburg waor heer in de jaore 1830, 1841 en 1860. In
1830 woort heer door ‘t district Mechelen gekoze. Nao einig euverlègk woort heer euver de geldigheid gekoze en beëedig op 14
Juli 1830. Nao de Belzje periood is heer bij Keuningklek besluut op 30 September 1841, opnui benump tot Lid vaan de
Provinciale Staote, en wel veur ‘t district Gronsveld. Zien zittings periood waor tot 1843, meh woord daonao weer herkoze. Dat
gebäörde ouch in 1849. Nao de nuie regeling bij de Provinciale wet, woort heer in 1850 door ‘t Hoofdkiesdistrict vaan Mestreech
gekoze. Heer woort benump tot Börgemeister vaan Mestreech op 13 Juni 1855. Heer is gestorreve op 19 Juli 1860. Hieronymus
Joannes Wilhelmus van Aken waor neet getrouwd. Heer woort in 1841 benump tot Ridder in de orde vaan de Nederlandse Leeuw
en in 1850 totCommandeur in de Orde vaan de Eikenkroon.
Tijdens zien periood van börgemeister-sjap, woort 't ierste gemeintelijke Gaasfabrik gebouwd. In 1858 verkoch de gemeinte
‘t Gouvernemintsgebouw aon de Bouillonstraat aon 't riek veur 44.500,- gölde. Vaan deen opbrings woort 't Gaasfabrik
gebouwd op de hook Capucijnenstraot-Lindenkruus. 't Gaasfebrik woort op 24 oktober 1858 fiestelek geopend mèt 'ne drei-
daogs fies. Naoderhand is 't Gaasfebrik verplaots nao de Cabergerweeg nr. 45 in Boscherveld. Den’ ierste planne um 'ne
spoorweeg vaan Hasselt - Mestreech - Aoke aon te lègke dateerde vaan 1849. In 1853 woort bij keuningklek besluut de
goodkäöring gegeve veur de bouw vaan dee lijn. In 1856 woort de spoorlijn fiestelek in gebruuk genome. Um dee spoorlijn
door te verbinde nao Hasselt woort in 1856 'ne spoorbrögk gebouwd. Dee brök sneuvelde in de twiede wereld oorlog door de
Pruse, en woort pas in 1957 herbouwd en weer in gebruuk genome. In 't jaor 1861 woort 'n spoorlijn geopend nao Luik, en in
1865 de spoorlijne nao Venlo en Eindhove. Tot 1855 stoond in Wiek 'ne 15 -iewse kèrk, gebouwd vaan kalkstein, de Sint
Martinus kèrk. De mèt de kerk-tore nao de Maoskant gelege kèrk woort in 1855 aofgebroke en móos wieke veur 'ne nui-bouw
vaan Petrus Josephus Hubertus (Pierre) Cuypers. Cuypers waor op den ' ierste plaots 'nen architect vaan kèrke. Heer
oontworp mie es 100 kèrke boevaan d 'r 70 vaan woorte gebouwd. Daoneve oontworp Cuypers ouch kapelle en kloesters, en
restaoreerde heer väöl aw kèrke. De kèrk vaan Wiek is in de jaore 1857 en 1858 gebouwd mèt 'ne roeie bakstein.
Femilie Wape
Van Aken
Graafmonumint Van Aken.
1796-1860.
Börgemeister Mestreech
1855-1860.
