Belègk Mestreech 1794
In de zomer vaan 1794 veurde Fraankriek de algemeine deens-pliech in, en lökde 't op dees meneer um e groet volksleger vaan mie es ein miljoen op de bein te bringe. Al gaw waore de Franse in Europa
weer aon de winnende hand. Bij de “Slag bij Fleurus” (Henegouwen) op 26 Juni 1794, lieverde Ginneraol Jean-Baptiste Jourdan 'n veldslaag mèt “Zuid-Nederlanders, Oosteriekers, en ouch Noord-
Nederlanders. Perceis 'n maond later trokke de Franse revolutionaire tróppe triómfantelek de stad Luik binne. In de naozomer vaan 1794 woort 't “Land van Loon” veroverd, boebei me väöl plunderde op
't Loonse platteland. Gèt later op 22 September 1794 woort Aoke ingenome. Ouch Brabantse, Gelderse en Gulikse steie langs de Maos woorte veroverd, boebij Venlo nog 't langste verzèt bleef beeje.
Allewel op 15 September 't “Staatse” Garnizoens-leger vaan Mestreech nog versterk woort mèt ruim 7.000 Oosteriekers, trok evels 't groetste deil vaan 't Oosterieks leger oet de “Zuidelijke- Nederlanden”
weer trök nao Duitsland. De 65-jaorege Ginneraol Ernst Wilhelm von Klebeck woort benump tot Vestings-commandant vaan Mestreech, oonder Gouverneur Frederik Van Hessen-Kassel (1747-1837). Oet
breve vaan de Gouverneur bleek tot de verhajdinge tösse 't “Staatse”en “Oostenrijkse” garnizoen slech waore. Op 17 en 18 September 1794 waor 30 km oonder Mestreech de slag bij Sprimont, of de Slag
om de Ourthe, boe-aon mie es 200.000 mansjappe aon deilnaome en woe-bij de Franse Ginneraol Jean-Baptiste Jourdan de Oostenriekers verpletterend versloog. Op 19 September, d'n daag nao de Slag
bij Sprimont, arriveerde Franse tróppe mèt umtrint 35.000 mansjappe bij Mestreech onder leiding vaan de Franse Ginneraol Jean-Baptiste Kléber (1753-1800). Jean-Baptiste Kléber vestegde zien hoof-
kerteer in kastiel Neercanne. 't Mestreechse garnizoen perbeerde eind Augustus op de Louwberg 't belègk te veurkaome door 'n oetval te doen riechting de Franse tróppe. Evels me kós neet veurkaome tot
de Franse al begóste mèt 't aonlègke vaan naoderings-loup-graove. Op 26 September woort den' ierste eis tot euvergaove aongereik, dee door de Militaire Gouverneur vaan Mestreech, Frederik van
Hessen-Kassel, evels woort geweigerd. Op 1 Oktober woort de bezèttings-mach bekans gehalveerd wie 20.000 mansjappe nao de Rijn woorte gerope um dao Ginneraol Jean-Baptiste Jourdan bij te stoon
in zien strijd tege de Oostenriekers. 't Vertrek vaan die tróppe gaof al aon tot de Franse daonao zeker waore vaan hun euverwinning in Mestreech. Op 14 Oktober eisde de Franse opnui den' euvergaof,
evels dat woort weer door Frederik van Hessen-Kassel aofgeweze. Nao de derde aofwijs op 31 Oktober begóste de Franse tróppe mèt 'n zwoer bombardemint. Naotot zie mèt 140 kanonne 't vuur opende,
bleek d'n euvermach te groet. 'n Groet aontal gebouwe aon de rand vaan de stad, boe oonder 't kloester vaan de Beyart, 't Penitentenkloester, 't Antonieten kloester, en de Commanderij Nieuwen Biesen
woorte in brand gesjote. Ouch 't Kruushierekloester, 't Dominicanekloester en 't Stadhoes raakde gesjendeleerd. Mie daan twiedoezend hoezer woorte gehiel of gedeiltelek verweus. Nao twie daog vaan al-
ieweg zwoere besjetinge, dreigde Ginneraol Jean-Baptiste Kléber mèt nog zwoerdere bombardeminte, boeop de börgers vaan de stad op 3 November 1794 aon de Gouverneur d'r op aondrónge tot
euvergaof. 'ne Daag later gaof de stad ziech euver, en op 5 November 1794 oonderteikende de Frederik van Hessen-Kassel den' euvergaof. De Hollandse tróppe trokke via de Boschpoort nao Grave en
Nijmegen; de Oostenriekers via de Duitse Poort nao Keulen. Hun plaots woort ingenome door 4000 Franse, die metein de kazernes en de ruime veurraode in beslaag naome. Frederik van Hessen-Kassel
traod aof es Gouverneur vaan Maastricht en de jonge Brigade-Ginneraol Jean-Baptiste Jules Bernadotte woort veur korte tied benump tot Milletaer Gouverneur vaan Mestreech. De stad woort nao 't
aofslete vaan 't “Haags Verdrag” vaan 16 mei 1795 ingelijf bij de Franse Republiek, boemèt veurgood 'n ind kaom aon de iewe-aw Twiehieregheid. Mestreech woort de Hoofstad vaan 't Franse
Depardemint Nedermaas. (Meuse-Inférieure). Dat kaom oongeveer euverein mèt 't huidige Belsj en Nederlands Limburg.
Femilie waope Napoleon
Boneparte.
Femilie waope Frederik
van Hessen-Kassel .
Kaart vaan Mestreech tijdens ’t belègk door ‘t Franse revolutionaire
leger in 1794.
De jonge Friedrich von Hessen
Kassel.
Friedrich von Hessen
Kassel.
1747-1837.
Franse Ginneraol Jean-
Baptiste Kléber
(1753-1800).
Jean-Baptiste-Jules Bernadotte
Maréchal
Frans Brigade Ginneraol.
(1763-1844)
Jacques Alexandre Bernard
Law, marquis de Lauriston.
Offeceer in ‘t Franse leger.
Jean-Baptiste Le Maréchal
Jourdan.
Maarschalk in Frans leger.
1762-1833.
